MY HOME

MY HOME
http://gururavidasjigreece.blogspot.com/

HOME

Blog Archive

Wednesday, June 2, 2010

ਚੈਂਸਾ ਵਿਖੇ ਸ਼ਰਧਾਜਲੀ ਸਮਾਗਮ 6 ਜੂਨ ਨੂੰ ਵਿਚੈਂਸਾ 30 ਮਈ


ਵਿਚੈਂਸਾ ਵਿਖੇ ਸ਼ਰਧਾਜਲੀ ਸਮਾਗਮ 6 ਜੂਨ ਨੂੰ ਵਿਚੈਂਸਾ 30 ਮਈ

ਵਿਚੈਂਸਾ 30 ਮਈ(ਮਨੀ ਚੌਹਾਨ-ਮੋਢੀ ਇਨਕਲਾਬ ਦਾ) ਰਵਿਦਾਸੀਆ ਕੌਮ ਦੇ ਮਹਾਨ ਸ਼ਹੀਦ ਸ਼੍ਰੀ 108 ਸੰਤ ਰਾਮਾਨੰਦ ਜੀ ਦਾ ਪਹਿਲਾ ਸ਼ਹੀਦੀ ਸਮਾਗਮ ਮਿਤੀ 6 ਜੂਨ 2010 ਦਿਨ ਐਤਵਾਰ ਨੂੰ ਸ਼੍ਰੀ ਗੁਰੂ ਰਵਿਦਾਸ ਟੈਂਪਲ ਆਰਜੀਨਾਨੋ ਵਿਚੈਂਸਾ ਵਿਖੇ ਮਨਾਇਆ ਜਾ ਰਿਹਾ ਹੈ | ਇਸ ਮੌਕੇ ਰਵਿਦਾਸਆ ਕੌਮ ਦੇ ਮਹਾਨ ਸ਼ਹੀਦ ਸੰਤ ਰਾਮਾਨੰਦ ਜੀ ਅਤੇ ਉਨ੍ਹਾਂ ਦੇ ਨਾਲ ਧਰਮ ਯੁੱਧ ਮੋਰਚੇ ਵਿੱਚ ਸ਼ਹੀਦ ਹੋਏ ਚਾਰ ਨੌਜਵਾਨ : ਸ਼ਹੀਦ ਤੇਲੂ ਰਾਮ ਜੀ. ਸ਼ਹੀਦ ਬਲਕਾਰ ਸਿੰਘ ਜੀ, ਸ਼ਹੀਦ ਰਜਿੰਦਰ ਕੁਮਾਰ ਜੀ ਅਤੇ ਸ਼ਹੀਦ ਵਿਜੇ ਕੁਮਾਰ ਜੀ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਜਾਣਗੇ | ਇਸ ਮੌਕੇ ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਬੈਰਗਾਮੋ ਦਾ ਕੀਰਤਨੀ ਜੱਥਾ ਅਤੇ ਮਾਸਟਰ ਸਨੀ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਅਤੇ ਸੰਤ ਰਾਮਾਨੰਦ ਜੀ ਦੀ ਜੀਵਨੀ ਤੇ ਚਾਨਣਾ ਪਾਉਣਗੇ | ਇਸ ਮੌਕੇ ਅਮਰ ਸ਼ਹੀਦਾਂ ਦੀ ਯਾਦ ਵਿੱਚ ਠੰਡੇ ਮਿੱਠੇ ਜਲ ਦੀ ਛਬੀਲ ਵੀ ਲਾਈ ਜਾਵੇਗੀ | ਸ਼੍ਰੀ ਗੁਰੂ ਰਵਿਦਾਸ ਟੈਂਪਲ ਵਿਚੈਂਸਾ ਦੀ ਪ੍ਰਬੰਧਕ ਕਮੇਟੀ ਸਮੂਹ ਸੰਗਤ ਨੂੰ ਬੇਨਤੀ ਕਰਦੀ ਹੈ ਕਿ ਮਹਾਨ ਸ਼ਹੀਦਾਂ ਦੇ ਚਰਨਾਂ ਵਿੱਚ ਸ਼ਰਧਾਜਲੀ ਦੇਣ ਲਈ ਗੁਰੂ ਘਰ ਵਿਖੇ ਪਹੁੰਚੋ |

ਵਧੇਰੇ ਜਾਣਕਾਰੀ ਵਾਸਤੇ ਸੰਪਰਕ ਕਰੋ 3333001165

















ਪੂਰੀ ਖਬਰ ਪੜਨ ਵਾਸਤੇ ਕਲਿੱਕ ਕਰੋ

Thursday, May 27, 2010


Wednesday, May 26, 2010



Add Image

Thursday, May 6, 2010

Saturday, April 24, 2010

muhwlf sMqoKpurf ivKy rivdfsIaf Drm df pihlf mhfn sMq sMmyln sLrDf sihqsMpMn

Dated : 22-04-2010

Dated : 22-04-2010

Indian

news




ਮਰਦਮਸ਼ੁਮਾਰੀ ਵਿੱਚ ਰਵਿਦਾਸੀਆ ਧਰਮ ਲਿਖਾਉਣ ਦੀ ਕੌਮ ਨੂੰ ਅਪੀਲ
ਫਗਵਾੜਾ (ਸੋਨੀਆ ਰਾਣੀ-ਮੋਢੀ ਇਨਕਲਾਬ ਦਾ) ਗੁਰੂ ਰਵਿਦਾਸ ਫੋਰਸ ਦੇ ਪ੍ਰਧਾਨ ਡਾ ਸਤੀਸ਼ ਸੁਮਨ ਨੇ ਪ੍ਰੈਸ ਨੋਟ ਜਾਰੀ ਕਰਦਿਆਂ ਕਿਹਾ ਕਿ ਜਿਵੇਂ ਕਿ ਸਾਡੀ ਰਵਿਦਾਸੀਆ ਕੌਮ ਭਲੀ ਭਾਂਤੀ ਜਾਣਦੀ ਹੈ ਕਿ ਮਿਤੀ 30 ਜਨਵਰੀ 2010 ਨੂੰ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ 633 ਵਾਂ ਪ੍ਰਕਾਸ਼ ਦਿਵਸ ਵਿਸ਼ਵ ਦੀ ਸੰਗਤ ਵੱਲੋਂ ਸਤਿਗੁਰੂ ਰਵਿਦਾਸ ਜਨਮ ਸਥਾਨ ਮੰਦਿਰ ਸੀਰਗੋਵਰਧਨ ਪੁਰ ਕਾਂਸ਼ੀ ਬਨਾਰਸ ਵਿਖੇ ਮਨਾਇਆ ਗਿਆ | ਜਿਸ ਵਿੱਚ ਭਾਰਤ ਦੇ ਅਨੇਕ ਪ੍ਰਦੇਸ਼ਾਂ ਵਿੱਚੋਂ ਸੰਤ ਸਮਾਜ ਅਤੇ ਦੇਸ਼ ਵਿਦੇਸ਼ਾਂ ਵਿੱਚੋਂ 10 ਲੱਖ ਤੋਂ ਅਧਿਕ ਸੰਗਤਾਂ ਪਹੁੰਚੀਆਂ | ਇਸ ਪਵਿੱਤਰ ਦਿਹਾੜੇ ਤੇ ਰਵਿਦਾਸੀਆ ਧਰਮ ਦੀ ਨੀਂਹ ਰੱਖਿ ਗਈ, ਜਿਸ ਦਾ ਸਾਰੇ ਵਿਸ਼ਵ ਨੇ ਸਵਾਗਤ ਕੀਤਾ | ਰਵਿਦਾਸੀਆ ਧਰਮ ਦੀ ਪੁਸਤਕ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਰੀਲੀਜ਼ ਕੀਤੀ ਗਈ | ਜਿਸ ਦਾ ਅੱਜਤੱਕ ਵਿਸ਼ਵ ਦੇ 6000 ਗੁਰੂ ਘਰਾਂ ਵਿੱਚ ਪ੍ਰਕਾਸ਼ ਕੀਤਾ ਜਾ ਚੁੱਕਾ ਹੈ | ਉਪਰੰਤ ਡਾ ਰਜਿੰਦਰ ਕਲੇਰ ਨੇ ਕਿਹਾ ਕਿ ਮਰਦਮ ਸ਼ੁਮਾਰੀ ਸ਼ੁਰੂ ਹੋ ਚੁੱਕੀ ਹੈ, ਅਸੀਂ ਸਾਰੀ ਰਵਿਦਾਸੀਆ ਕੌਮ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਆਪਣਾ ਧਰਮ ਰਵਿਦਾਸੀਆ ਲਿਖਵਾਉਣ | ਗੁਰੂ ਰਵਿਦਾਸ ਫੋਰਸ ਇਸ ਬਾਰੇ ਭਾਰਤ ਦੇ ਰਾਸ਼ਟਰਪਤੀ ਨੂੰ ਵੀ ਮੰਗਪੱਤਰ ਲਿਖੇਗੀ ਤਾਂ ਕਿ ਰਵਿਦਾਸੀਆ ਧਰਮ ਨੂੰ ਰਾਸ਼ਟਰੀ ਧਾਰਾ ਵਿੱਚ ਸ਼ਾਮਿਲ ਕੀਤਾ ਜਾਵੇ | ਉਨ੍ਹਾਂ ਸਮਾਜ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਜਿੰਨੀ ਜਿਆਦਾ ਸਾਡੀ ਗਿਣਤੀ ਹੋਵੇਗੀ ਉਨੀਂ ਜਿਆਦਾ ਸਾਡੀ ਪਹਿਚਾਣ ਬਣੇਗੀ | ਇਸ ਮੌਕੇ ਬਲਵੀਰ ਝੱਲੀ, ਸੋਨੀਆ ਸੂਦ, ਕੁਲਵਿੰਦਰ ਕਿੰਦਾ,ਸੁਰਿੰਦਰ ਕੁਮਾਰ, ਬਲਵੀਰ ਝੱਲੀ, ਕਮਲ, ਸੁਰਿੰਦਰ ਖੰਗੂੜਾ, ਕੁਲਵਿੰਦਰ ਕਿੰਦਾ, ਮੇਜਰ ਚੱਕ ਹਕੀਮ, ਗਾਂਧੀ, ਸੰਨੀ, ਬਲਵੀਰ, ਮਲਕੀਤ, ਡਾ ਅਮਰਜੀਤ, ਸਰਬਜੀਤ ਕੌਰ ਭੁੱਲਾ ਰਾਈ, ਕਰਮਵੀਰ, ਸਾਜਨ ਸੁੰਮਨ ਅਤੇ ਹੋਰ ਵੀ ਫੋਰਸ ਦੇ ਮੈਂਬਰ ਸ਼ਾਮਿਲ ਸਨ |

ਅਮ੍ਰਿਤ ਬਾਣੀ ਦਾ ਪ੍ਰਕਾਸ਼ ਅਤੇ ਬਾਬਾ ਸਾਹਿਬ ਜੀ ਦਾ ਜਨਮ ਦਿਹਾੜਾ ਸਾਝੇਂ ਤੌਰ ਤੇ ਮਨਾਇਆ








ਸੀਮਾਧਾਰੀ-ਗਰੀਸ(ਸੰਦੀਪ ਸਕਾਲਾ-ਮੋਢੀ ਇਨਕਲਾਬ ਦਾ) ਬੀਤੇ ਦਿਨੀ 18 ਅਪ੍ਰੈਲ ਨੁੰ ਗਰੀਸ ਦੇ "ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਸੀਮਾਧਾਰੀ" ਵਿਖੇ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦਾ ਪ੍ਰਕਾਸ਼ ਕੀਤਾ ਗਿਆ ਅਤੇ ਦਲਿਤਾਂ ਦੇ ਮੁਕਤੀ ਦਾਤਾ ਬਾਬਾ ਸਾਹਿਬ ਡਾ ਭੀਮ ਰਾਉ ਅੰਬੇਡਕਰ ਜੀ ਦਾ 119 ਵਾਂ ਜਨਮ ਦਿਹਾੜਾ ਸਾਂਝੇ ਤੌਰ ਤੇ ਮਨਾਇਆ ਗਿਆ | ਇਸ ਪ੍ਰੋਗਰਾਮ ਤੇ ਬੁਲਾਰਿਆਂ ਅਤੇ ਕਲਾਕਾਰਾਂ ਨੇ ਸਾਝੇਂ ਤੌਰ ਤੇ ਅਮ੍ਰਿਤ ਬਾਣੀ ਅਤੇ ਬਾਬਾ ਸਾਹਿਬ ਜੀ ਦੇ ਜੀਵਨ ਅਤੇ ਮਿਸ਼ਨ ਉੱਤੇ ਚਾਨਣਾ ਪਾਇਆ | "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦੇ ਪਾਵਨ ਸਰੂਪ ਬਹੁਤ ਹੀ ਸ਼ਰਧਾ ਨਾਲ ਇੱਕ ਗੱਡੀ ਨੂੰ ਫੁੱਲਾਂ ਨਾਲ ਸਜਾ ਕੇ 5 ਸੇਵਾਦਾਰਾਂ ਦੀ ਹਾਜਰੀ ਵਿੱਚ ਲਿਆਂਦਾ ਗਿਆ | ਜਦੋਂ ਸੰਗਤਾਂ ਨੇ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਬਾਣੀ ਨੂੰ ਲਿਆ ਰਹੀ ਫੁੱਲਾਂ ਨਾਲ ਸਜਾਈ ਗੱਡੀ ਨੂੰ ਦੇਖਿਆ ਤਾਂ ਜੋਸ਼ ਅਤੇ ਖੁਸ਼ੀ ਵਿੱਚ ਸਤਿਗੁਰੂ ਜੀ ਦੇ ਜੈਕਾਰੇ ਲਗਾਏ ਅਤੇ ਬਾਬਾ ਸਾਹਿਬ ਅਮਰ ਰਹੇ ਦੇ ਜੈਕਾਰੇ ਵੀ ਆਕਾਸ਼ ਵਿੱਚ ਗੂੰਜ ਰਹੇ ਸਨ | ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਸੀਮਾਧਾਰੀ ਦੇ ਪ੍ਰਧਾਨ ਸਾਹਿਬ ਸ਼੍ਰੀ ਗੁਰਪਾਲ ਚੰਦ ਜੀ ਦੀ ਅਗਵਾਈ ਵਿੱਚ ਅਤੇ ਅਮ੍ਰਿਤ ਬਾਣੀ ਦੀ ਛਤਰ ਛਾਇਆ ਹੇਠ ਗੁਰੂ ਦਰਬਾਰ ਪਹੁੰਚੀ | ਬਹੁਤ ਹੀ ਭਾਰੀ ਗਿਣਤੀ ਵਿੱਚ ਸੰਗਤਾਂ ਗੁਰੂ ਘਰ ਵਿਖੇ ਪਹੁੰਚਈਆ ਹੋਈਆਂ ਸਨ | "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦੇ ਪ੍ਰਕਾਸ਼ ਉਪਰੰਤ ਭਾਈ ਸਾਹਿਬ ਸ਼੍ਰੀ ਰਮੇਸ਼ ਕੁਮਾਰ ਜੀ ਨੇ ਸੰਗਤਾਂ ਨੂੰ ਅਮ੍ਰਿਤ ਬਾਣੀ ਦੇ ਪਾਠ ਸਰਵਣ ਕਰਵਾਏ | ਉਪਰੰਤ ਸ਼੍ਰੀ ਧਰਮਪਾਲ ਰੱਤੂ ਰੱਤੂ ਕੈਸ਼ੀਅਰ ਡਾ ਅੰਬੇਡਕਰ ਮਿਸ਼ਨ ਸੋਸਾਇਟੀ ਜੀ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਅਮ੍ਰਿਤ ਬਾਣੀ ਦੇ ਪ੍ਰਕਾਸ਼ ਕਰਨ ਦੇ ਮੁੱਖ ਮੰਤਵ ਦੱਸਿਆ ਕਿ ਜੇਕਰ ਅੱਜ ਅਸੀਂ ਧਾਰਮਿਕ ਆਜਾਦੀ ਦੀ ਪ੍ਰਾਪਤੀ ਕੀਤੀ ਹੈ ਤਾਂ ਇਹ ਸਭ ਡੇਰਾ ਸੱਚਖੰਡ ਬੱਲਾਂ ਦੇ ਮਹਾਨ ਮਹਾਂਪੁਰਸ਼ਾਂ ਦੀ ਕੁਰਬਾਨੀ ਸਦਕਾਂ ਹੈ | ਉਨ੍ਹਾਂ ਬਾਬਾ ਸਾਹਿਬ ਜੀ ਬਾਰੇ ਬੋਲਦਿਆਂ ਕਿਹਾ ਕਿ ਅੱਜ ਅਸੀਂ ਜੋ ਵੀ ਹਾਂ ਇਹ ਸਭ ਬਾਬਾ ਸਾਹਿਬ ਜੀ ਦੇਣ ਹੈ | ਉਨ੍ਹਾਂ ਨੇ ਭਾਰਤੀ ਸੰਵਿਧਾਨ ਲਿਖ ਕੇ ਸਾਨੂੰ ਬਰਾਬਰ ਅਧਿਕਾਰ ਦਵਾਏ | ਉਪਰੰਤ ਮਿਸ਼ਨਰੀ ਕਲਾਕਾਰ ਸ਼ਿੰਦਾ ਰਾਣੀਆ ਨੇ ਅਮ੍ਰਿਤ ਬਾਣੀ ਵਿੱਚੋਂ ਸ਼ਬਦ ਮੋਹਿ ਨਾ ਬਿਸਾਰਹੁ" ਦਾ ਗਾਇਨ ਕਰਕੇ ਆਗਾਜ ਕੀਤਾ | ਉਪਰੰਤ ਸ਼੍ਰੀ ਜਸਪਾਲ ਪਾਲੀ ਜੀ ਨੇ ਇੱਕ ਸ਼ਬਦ ਗਾ ਕੇ ਹਾਜਰੀ ਲਗਵਾਈ | ਉਪਰੰਤ ਉੱਭਰ ਰਹੇ ਮਿਸ਼ਨਰੀ ਗਾਇਕ ਸ਼੍ਰੀ ਕਰਨੈਲ ਰੱਤੂ ਜੀ ਨੇ "ਜਾਨ ਤਲੀ ਤੇ ਧਰਕੇ ਆਪਣਾ ਧਰਮ ਬਚਾਉਣਾ ਹੈ" ਗਾ ਕੇ ਸੰਗਤ ਨੂੰ ਹਲੂਣਿਆ | ਫਿਰ ਸ਼੍ਰੀ ਸ਼ਿੰਗਾਰ ਮਸਾਣੀ ਜੋ ਕਿ ਕਵਿਤਾਂਵਾ ਰਾਂਹੀ ਸੰਗਤ ਵਿੱਚ ਆਪਣੀ ਪਹਿਚਾਣ ਬਣਾ ਚੁੱਕੇ ਹਨ ਸਟੇਜ ਤੇ ਆਏ, ਅਤੇ ਆਪਣੀ ਜੋਸ਼ੀਲੀਆਂ ਕਵਿਤਾਵਾਂ ਰਾਹੀਂ ਸੰਗਤ ਨੂੰ ਬੰਨ੍ਹ ਕੇ ਰੱਖ ਦਿੱਤਾ | ਉਪਰੰਤ ਡਾ ਅੰਬੇਡਕਰ ਮਿਸ਼ਨ ਸੋਸਾਇਟੀ ਦੇ ਜਨਰਲ ਸਕੱਤਰ ਸ਼੍ਰੀ ਸਤਪਾਲ ਜੀ ਨੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕੌਮ ਦੇ ਮਹਾਨ ਸ਼ਹੀਦ ਸੰਤ ਰਾਮਾਨੰਦ ਜੀ ਦਾ ਜਿਕਰ ਕੀਤਾ ਤੇ ਕਿਹਾ ਕਿ ਕਿਸ ਤਰ੍ਹਾਂ ਬਾਦਲ ਸਰਕਾਰ ਨੇ ਝੂਠੇ ਮੁਕੱਦਮੇ ਦਰਜ ਕਰਕੇ ਦਲਿਤਾਂ ਨੂੰ ਵੰਗਾਰਿਆ ਹੈ | ਸਾਨੂੰ ਇਸ ਵੰਗਾਰ ਨੂੰ ਕਬੂਲ ਕੇ ਆਪਣੀ ਤਾਕਤ ਬਣਾਉਣੀ ਚਾਹੀਦੀ ਹੈ | ਬਾਬਾ ਸਾਹਿਬ ਜੀ ਬਾਰੇ ਬੋਲਦਿਆਂ ਕਿਹਾ ਕਿ ਇਹ ਖੁਸ਼ੀ ਦੀ ਗੱਲ ਹੈ ਕਿ ਅਸੀਂ ਬਾਬਾ ਸਾਹਿਬ ਜੀ ਦੀ ਸੋਚ ਨੂੰ ਸਮਝ ਲਿਆ ਹੈ ਅਤੇ ਅਸੀਂ ਅੱਜ ਰਹਿਬਰਾਂ ਦੇ ਦਿਹਾੜੇ ਸਾਂਝੇ ਤੌਰ ਤੇ ਮਨਾ ਰਹੇ ਹਾਂ | ਫਿਰ ਅਰੁਣ ਕੁਮਾਰ ਲੋਈ ਜੀ ਨੇ "ਜੇਕਰ ਗੁਰੂ ਰਵਿਦਾਸ ਜੀ ਨਾ ਆਉਂਦੇ" ਗਾ ਕੇ ਆਪਣੀ ਹਾਜਰੀ ਲਗਵਾਈ | ਉਪਰੰਤ ਗੁਰਦੀਪ ਪਵਰਸ ਜੀ ਨੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਕਿਹਾ ਕਿ ਜੋ ਕੁੱਝ ਬਾਬਾ ਸਾਹਿਬ ਜੀ ਨੇ ਦਲਿਤ ਸਮਾਜ ਲਈ ਕੀਤਾ ਹੈ ਉਹ ਕਿਸੇ ਰਿਸ਼ੀ ਮੁਨੀ, ਪੀਰ ਫਕੀਰ ਤੋਂ ਵੀ ਨਾ ਹੋਇਆ | ਇਸ ਕਰਕੇ ਸਾਨੂੰ ਬਾਬਾ ਸਾਹਿਬ ਦੇ ਰਿਣੀ ਹੋਣਾ ਚਾਹੀਦਾ ਹੈ | ਫਿਰ ਅਸ਼ੋਕ ਲੱਧਣ ਸੀਨੀਅਰ ਮੈਂਬਰ ਡਾ ਅੰਬੇਡਕਰ ਮਿਸ਼ਨ ਸੋਸਾਇਟੀ ਨੇ ਬੋਲਦਿਆਂ ਕਿਹਾ ਜੇਕਰ ਅਸੀਂ ਦੇਸ਼ ਵਿਦੇਸ਼ ਵਿੱਚ ਅੱਜ ਘੁੰਮ ਰਹੇ ਹਾਂ, ਇਹ ਸਭ ਬਾਬਾ ਸਾਹਿਬ ਜੀ ਦੀ ਕੁਰਬਾਨੀ ਸਦਕਾ ਹੋਇਆ ਹੈ | ਉਨ੍ਹਾਂ ਲੰਬੀ ਲੜਾਈ ਲੜ ਕੇ ਸਾਨੂੰ ਇਨਸਾਨੀ ਹੱਕ ਹਨ | ਬਾਬਾ ਸਾਹਿਬ ਨੇ ਸਾਨੂੰ ਇਤਿਹਾਸ ਪੜਨ ਤੇ ਜੋਰ ਦਿੱਤਾ ਹੈ | ਉਪਰੰਤ ਜਸਵਿੰਦਰ ਕਰੋਪੀ ਜੀ ਨੇ ਸ਼ਬਦ ਗਾ ਕੇ ਹਾਜਰੀ ਲਗਵਾਈ | ਉਪਰੰਤ ਸ਼੍ਰੀ ਰੂਪ ਲਾਲ ਜੀ ਪ੍ਰਧਾਨ ਡਾ ਅੰਬੇਡਕਰ ਮਿਸ਼ਨ ਸੋਸਾਇਟੀ ਨੇ ਆਪਣੇ ਵਿਚਾਰ ਪੇਸ਼ ਕਰਦਿਆ ਕਿਹਾ ਕਿ ਅੱਜ ਦੋ ਚੀਜਾਂ ਦਾ ਸੁਮੇਲ ਹੋਇਆ ਹੈ ਇੱਕ ਅਮ੍ਰਿਤ ਬਾਣੀ ਦਾ ਪ੍ਰਕਾਸ਼ ਤੇ ਦੂਜਾ ਬਾਬਾ ਸਾਹਿਬ ਜੀ ਦਾ ਜਨਮ ਦਿਹਾੜਾ ਮਨਾਇਆ ਜਾ ਰਿਹਾ ਹੈ, ਜੋ ਕਿ ਬਹੁਤ ਖੁਸ਼ੀ ਦੀ ਗੱਲ ਹੈ | ਉਨ੍ਹਾਂ ਕਿਹਾ ਕਿ ਜੇਕਰ ਬਾਬਾ ਸਾਹਿਬ ਸਿੱਖ ਧਰਮ ਨਹੀਂ ਅਪਣਾ ਸਕੇ, ਇਹ ਸਾਰਾ ਦੋਸ਼ ਉਸ ਸਮੇਂ ਦੇ ਸਿੱਖ ਲੀਡਰ ਮਾਸਟਰ ਤਾਰਾ ਸਿੰਘ ਦਾ ਹੈ ਜੋ ਆਪਣੀ ਦੁਕਾਨਦਾਰੀ ਬੰਦ ਹੋਣ ਤੋਂ ਡਰਦਾ ਸੀ | ਉਨ੍ਹਾਂ ਕਿਹਾ ਕਿ ਬਾਬਾ ਸਾਹਿਬ ਨੂੰ ਮਹਾਨ ਬਨਾਉਣ ਵਿੱਚ ਉਨ੍ਹਾਂ ਦੀ ਧਰਮ ਪਤੀ ਰਾਮਾਬਾਈ ਜੀ ਦਾ ਵੀ ਪੂਰਾ ਸਹਿਯੋਗ ਸੀ | ਉਨ੍ਹਾਂ ਪੰਡਾਲ ਵਿੱਚ ਹਾਜਿਰ ਦਲਿਤ ਔਰਤਾਂ ਨੂੰ ਬੇਨਤੀ ਕਰਦਿਆਂ ਕਿਹਾ ਕਿ ਤੁਹਾਨੂੰ ਵੀ ਰਾਮਾਬਾਈ ਜੀ ਦੀ ਤਰ੍ਹਾਂ ਆਪਣੇ ਪਤੀ ਦਾ ਸਾਥ ਦੇਣਾ ਚਾਹੀਦਾ ਹੈ, ਤਾਂ ਹੀ ਅਸੀਂ ਲੁਕਵੇਂ ਰੂਪ 'ਚ ਹੁੰਦੇ ਜੁਲਮ ਬੰਦ ਕਰਵਾ ਸਕੀਏ | ਉਨ੍ਹਾਂ ਕਿਹਾ ਕਿ ਬਾਬਾ ਸਾਹਿਬ ਜੀ ਦੇ ਤਿੰਨ ਦੁਸ਼ਮਣ ਸਨ- ਗਾਂਧੀ, ਪਟੇਲ ਤੇ ਨਹਿਰੂ | ਉਪਰੰਤ ਅਰੁਣ ਕੁਮਾਰ ਲੋਈ ਜੀ ਅਤੇ ਸਲੀਮ ਜੀ ਨੇ ਆਪਣੀਆਂ ਰਚਨਾਵਾਂ ਸੰਗਤ ਨੂੰ ਸਰਵਣ ਕਰਵਾਈਆਂ | ਗੁਰੂ ਘਰ ਦੇ ਪ੍ਰਧਾਨ ਸ਼੍ਰੀ ਗੁਰਪਾਲ ਚੰਦ ਜੀ ਅਤੇ ਸਾਰੇ ਹੀ ਸੇਵਾਦਾਰਾਂ ਦੀ ਮਿਹਨਤ ਸਦਕਾਂ ਕਾਮਯਾਬ ਹੋਇਆ | ਇਸ ਮੌਕੇ ਤੇ ਪਸਖਨਾ ਅਤੇ ਕਰੋਪੀ ਤੋਂ ਸੰਗਤ ਬੱਸਾਂ ਰਾਹੀਂ ਪਹੁੰਚੀ ਹੋਈ ਸੀ | ਅੰਤ ਵਿੱਚ ਹੈਡ ਗ੍ਰੰਥੀ ਸਾਹਿਬ ਨੇ ਗੁਰੂ ਚਰਨਾਂ ਵਿੱਚ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ ਅਤੇ ਗੁਰੂ ਕੇ ਅਤੁੰਟ ਲੰਗਰ ਵਰਤਾਏ ਗਏ |






ਗੁਰੂ ਰਵਿਦਾਸ ਫੋਰਸ ਨੇ ਸਮਾਗਮ ਕਰਵਾਇਆ





ਸ਼੍ਰੀ ਗੁਰੂ ਰਵਿਦਾਸ ਵੈਲਫੇਅਰ ਸੋਸਾਇਟੀ ਇਟਲੀ ਦੇ ਪ੍ਰਧਾਨ ਵੀ ਪਹੁੰਚੇ












ਫਗਵਾੜਾ (ਸੋਨੀਆ ਰਾਣੀ-ਮੋਢੀ ਇਨਕਲਾਬ ਦਾ) ਸਾਹਿਬ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਬੇਗਮਪੁਰੇ ਦੇ ਸੱਚੇ ਸੁੱਚੇ ਮਿਸ਼ਨ ਨੂੰ ਘਰ ਘਰ ਪਹੁੰਚਾਉਣ ਲਈ ਅੱਜ ਗੁਰੂ ਰਵਿਦਾਸ ਫੋਰਸ ਪੰਜਾਬ ਵੱਲੋਂ ਇੱਕ ਸਮਾਗਮ ਕਰਵਾਇਆ ਗਿਆ | ਜਿਸ ਵਿੱਚ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦੇ ਪਾਠ ਕਰਵਾਏ ਗਏ | ਅਤੇ ਕੀਰਤਨੀ ਜੱਥਿਆਂ ਵੱਲੋਂ ਸਤਿਗੁਰੂ ਰਵਿਦਾਸ ਜੀ ਦੀ ਅਮ੍ਰਿਤ ਬਾਣੀ ਵਿੱਚੋ ਸ਼ਬਦ ਗਾਇਨ ਕੀਤੇ ਗਏ | ਗੁਰੂ ਰਵਿਦਾਸ ਫੋਰਸ ਦੇ ਪ੍ਰਧਾਨ ਡਾ ਸਤੀਸ਼ ਸੁਮਨ ਨੇ ਬੋਲਦਿਆਂ ਕਿਹਾ ਕਿ ਸਾਨੂੰ ਸਭ ਨੂੰ ਰਲ ਮਿਲ ਕੇ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਮਿਸ਼ਨ ਨੂੰ ਘਰ ਘਰ ਪਹੁੰਚਾਉਣਾ ਚਾਹੀਦਾ ਹੈ ਤਾਂ ਹੀ ਅਸੀਂ ਆਪਣੇ ਰਹਿਬਰਾਂ ਦੇ ਸੁਪਨੇ ਸਾਕਾਰ ਕਰ ਸਕਦੇ ਹਾਂ | ਇਸ ਮੌਕੇ ਇਟਲੀ ਤੋਂ "ਸ਼੍ਰੀ ਗੁਰੂ ਰਵਿਦਾਸ ਵੈਲਫੇਅਰ ਸੋਸਾਇਟੀ ਇਟਲੀ" ਦੇ ਪ੍ਰਧਾਨ ਸ਼੍ਰੀ ਕਮਲਜੀਤ ਵੀ ਪਹੁੰਚੇ ਹੋਏ ਸਨ | ਗੁਰੂ ਰਵਿਦਾਸ ਫੋਰਸ ਦੇ ਸਾਰੇ ਹੀ ਅਹੁਦੇਦਾਰਾਂ ਨੇ ਉਨ੍ਹਾਂ ਦਾ ਭਾਰਤ ਪਹੁੰਚਣ ਤੇ ਸਵਾਗਤ ਕੀਤਾ ਅਤੇ ਫੋਰਸ ਦੇ ਪ੍ਰਧਾਨ ਡਾ ਸਤੀਸ਼ ਸੁਮਨ ਨੇ ਬੋਲਦਿਆਂ ਕਿਹਾ ਕਿ ਸਾਡੀ ਰਵਿਦਾਸੀਆ ਕੌਮ ਦੇ ਵੀਰ ਵਿਦੇਸ਼ਾਂ ਵਿੱਚ ਵੀ ਸਤਿਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਮਿਸ਼ਨ ਨੂੰ ਅੱਗੇ ਲੈ ਜਾਣ ਲਈ ਦਿਨ ਰਾਤ ਮਿਹਨਤ ਕਰਦੇ ਹਨ ਅਤੇ ਆਪਣੀ ਕਿਰਤ ਕਮਾਈ ਨਾਲ ਭਾਰਤ ਵਿੱਚ ਵੀ ਸਾਡੀ ਮਦਦ ਕਰਦੇ ਹਨ | ਉਨ੍ਹਾਂ ਕਿਹਾ ਕਿ ਅਸੀਂ ਸ਼੍ਰੀ ਗੁਰੂ ਰਵਿਦਾਸ ਵੈਲਫੇਅਰ ਸੋਸਾਇਟੀ ਇਟਲੀ ਵੱਲੋਂ ਕੀਤੀ ਮਦਦ ਭੁਲਾ ਨਹੀਂ ਸਕਦੇ | ਸੋਸਾਇਟੀ ਦੇ ਪ੍ਰਧਾਨ ਨੇ ਕਿਹਾ ਕਿ ਉਹ ਅੱਗੇ ਤੋਂ ਵੀ ਸਾਹਿਬ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਬੇਗਮਪੁਰੇ ਸੰਕਲਪ ਦਾ ਪ੍ਰਚਾਰ ਨਿਧੜਕ ਹੋ ਕੇ ਕਰਦੇ ਰਹਿਣਗੇ, ਅਤੇ ਆਉਣ ਵਾਲੇ ਸਮੇਂ ਵਿੱਚ ਵੀ ਗੁਰੂ ਰਵਿਦਾਸ ਫੋਰਸ ਦੀ ਮਦਦ ਕਰਦੇ ਰਹਿਣਗੇ | ਉਪਰੰਤ ਗੁਰੂ ਰਵਿਦਾਸ ਫੋਰਸ ਦੇ ਅਹੁਦੇਦਾਰਾਂ ਵੱਲੋਂ ਸ਼੍ਰੀ ਗੁਰੂ ਰਵਿਦਾਸ ਵੈਲਫੇਅਰ ਸੋਸਾਇਟੀ ਦਾ ਧੰਨਵਾਦ ਕੀਤਾ ਗਿਆ ਅਤੇ ਪ੍ਰਧਾਨ ਸਾਹਿਬ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਬਲਵੀਰ ਝੱਲੀ, ਸੋਨੀਆ ਸੂਦ, ਕੁਲਵਿੰਦਰ ਕਿੰਦਾ,ਸੁਰਿੰਦਰ ਕੁਮਾਰ, ਬਲਵੀਰ ਝੱਲੀ, ਕਮਲ, ਸੁਰਿੰਦਰ ਖੰਗੂੜਾ, ਕੁਲਵਿੰਦਰ ਕਿੰਦਾ, ਮੇਜਰ ਚੱਕ ਹਕੀਮ, ਗਾਂਧੀ, ਸੰਨੀ, ਬਲਵੀਰ, ਮਲਕੀਤ, ਡਾ ਅਮਰਜੀਤ, ਸਰਬਜੀਤ ਕੌਰ ਭੁੱਲਾ ਰਾਈ, ਕਰਮਵੀਰ, ਸਾਜਨ ਸੁੰਮਨ ਅਤੇ ਹੋਰ ਵੀ ਫੋਰਸ ਦੇ ਮੈਂਬਰ ਸ਼ਾਮਿਲ ਸਨ |



Friday, April 23, 2010


Wednesday, April 14, 2010

ਭੀਮ ਦੇ ਜੇਕਰ ਸੱਚੇ ਸੁੱਚੇ ਪੈਰੋਕਾਰ ਕਹਾਉਣਾ, ਤਾਂ ਫਿਰ ਮੇਰੇ ਸਾਥੀਓ ਰੱਖ ਕੇ ਸੀਸ ਤਲੀ ਤੇ ਆਉਣਾ




ਦਲਿਤ ਕੌਮ ਦੇ ਮਸੀਹਾ, ਔਰਤਾਂ ਨੂੰ ਹੱਕ ਦਵਾਉਣ ਵਾਲੇ ਮਹਾਨ ਰਹਿਬਰ, ਦਲਿਤ ਕੌਮ ਦੀਆਂ ਗੁਲਾਮੀਆਂ ਦੀਆਂ ਜੰਜੀਰਾਂ ਤੋੜਨ ਵਾਲੇ ਭਾਰਤ ਰਤਨ ਬਾਬਾ ਸਾਹਿਬ ਡਾ ਭੀਮ ਰਾਉ ਅੰਬੇਡਕਰ ਜੀ ਦੇ 119 ਵੇਂ ਜਨਮ ਦਿਹਾੜੇ ਦੀਆਂ ਸਮੁੱਚੀ ਦਲਿਤ ਕੌਮ ਨੂੰ ਬਹੁਤ ਬਹੁਤ ਮੁਬਾਰਕਾਂ | ਜਨਮ ਦਿਹਾੜੇ ਸਦਾ ਉਨ੍ਹਾਂ ਦੇ ਹੀ ਮਨਾਏ ਜਾਂਦੇ ਨੇ ਜਿਨ੍ਹਾਂ ਕੌਮ ਦੀ ਸੇਵਾ ਸਿਰਤੋੜ ਮਿਹਨਤ ਕਰਕੇ ਕੀਤੀ ਹੋਵੇ | ਬਾਬਾ ਸਾਹਿਬ ਨੇ ਜਦੋਂ ਸਮਾਜ ਦੀ ਕਾਣੀ ਵੰਡ ਨੂੰ ਦੇਖਿਆ ਤਾਂ ਇਜ ਪ੍ਰਣ ਲਿਆ ਕਿ ਮੈਂ ਦਲਿਤ ਕੌਮ ਦੀਆਂ ਗੁਲਾਮੀ ਦੀਆਂ ਜੰਜੀਰਾ ਤੋੜ ਕੇ ਮਨੂੰਵਾਦੀਆਂ ਦੀਆਂ ਕੋਜੀਆਂ ਚਾਲਾਂ ਨੂੰ ਕਾਮਯਾਬ ਨਹੀਂ ਹੋਣ ਦੇਵਾਂਗਾ | ਆਪ ਨੇ ਭੁੱਖੇ ਰਹਿ ਕੇ, ਦਿਨ ਰਾਤ ਮਿਹਨਤ ਨਾਲ ਪੜਾਈ ਕਰਕੇ ਦੁਨੀਆ ਦੇ ਇਤਿਹਾਸਿਕ ਪੰਨਿਆਂ ਤੇ ਦਲਿਤ ਕੌਮ ਦੀ ਦਾਸਤਾਂ ਲਿਖ ਦਿੱਤੀ | ਸਦੀਆਂ ਤੋਂ ਸੁੱਤੇ ਹੋਏ ਸਮਾਜ ਵਿੱਚ ਇੱਕ ਐਸੀ ਅਣਖ ਦੀ ਚਿੰਗਾਰੀ ਲਾਈ ਕਿ ਹੱਜ ਉਹ ਅਣਖ ਦੀ ਚਿੰਗਾਰੀ ਭਾਂਬੜ ਬਣ ਗਈ | ਜਿਸ ਸਮਾਜ ਨੂੰ ਸਦੀਆਂ ਤੋਂ ਮਨੁੱਖੀ ਹੱਕਾਂ ਤੋਂ ਵਾਂਜਾ ਰੱਖਿਆ ਗਿਆ ਸੀ ਉਹ ਕੌਮ ਅੱਜ ਅਣਖ ਨਾਲ ਸਿਰ ਉੱਚਾ ਕਰ ਕੇ ਤੁਰਦੀ ਹੈ | ਬਾਬਾ ਸਾਹਿਬ ਦੀ ਕੁਰਬਾਨੀ ਨੂੰ ਅਸੀਂ ਕਦੇ ਵੀ ਨਹੀਂ ਭੁੱਲ ਸਕਦੇ | ਜਿਸ ਮਹਾਨ ਰਹਿਬਰ ਨੇ ਆਪਣੇ ਘਰ ਦਾ ਫਿਕਰ ਨਾ ਕਰਦਿਆਂ 85 % ਲੋਕਾਂ ਦੇ ਘਰ ਸਵਾਰ ਦਿੱਤੇ, ਉਨ੍ਹਾਂ ਦੀਆਂ ਰਗਾਂ ਵਿੱਚੋਂ ਗੁਲਾਮੀ ਦਾ ਖੂਨ ਕੱਢ ਕੇ ਅਣਖ ਨਾਲ ਜਿਉਣਾ ਦੱਸਿਆ ਅੱਜ ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਲੋਕ ਬਾਬਾ ਸਾਹਿਬ ਨੂੰ ਭੁੱਲ ਗਏ ਨੇ ਤੇ ਬਹੁਤ ਭੁੱਲਦੇ ਜਾ ਰਹੇ ਨੇ | ਉਨ੍ਹਾਂ ਦੀ ਸੋਚ ਮੁਤਾਬਿਕ ਬਾਬਾ ਸਾਹਿਬ ਨੇ ਕੋਈ ਖਾਸ ਕੰਮ ਨਹੀਂ ਕੀਤੇ | ਪਰ ਉਹ ਕੀ ਜਾਨਣ ਕੀ ਬਾਬਾ ਸਾਹਿਬ ਜੇਕਰ ਨਾ ਦਲਿਤ ਦੇ ਮਸੀਹਾ ਬਣਕੇ ਆਉਂਦੇ ਤੇ ਅੱਜ ਵੀ ਸਿੱਕਾ ਕੰਨਾ ਵਿੱਚ ਪੈਣਾ ਸੀ, ਅੱਜ ਵੀ ਖੂਹਾਂ ਤਲਾਬਾਂ ਤੇ ਜਾਣ ਦੀ ਮਨਾਹੀ ਹੁੰਦੀ | ਅੱਜ ਕੋਠੀਆਂ, ਕਾਰਾਂ, ਮਿੱਲਾਂ ਦੇ ਮਾਲਕ ਬਣ ਗਏ, ਵਿਦੇਸ਼ਾਂ ਵਿੱਚ ਆ ਗਏ, ਬਹੁਤ ਤਰੱਕੀ ਕਰ ਲਈ, ਪਰ ਉਸ ਰਹਿਬਰ ਨੂੰ ਭੁੱਲ ਗਏ ਜਿਸ ਨੇ ਇਹ ਹੱਕ ਲੈ ਕੇ ਦਿੱਤੇ | ਉਹ ਕਹਿੰਦੇ ਤੇ ਤਾਂ ਜੇਕਰ ਬਾਬਾ ਸਾਹਿਬ ਦੀ ਕੁਰਬਾਨੀ ਤੋਂ ਬਿਨ੍ਹਾਂ ਇੱਥੇ ਤੱਕ ਆ ਕੇ ਦਿਖਾਉਂਦੇ | ਅਫਸੋਸ ਹੁੰਦਾ ਹੈ ਕਿ ਬਾਬਾ ਸਾਹਿਬ ਦੀ ਕਰੜੇ ਸੰਘਰਸ਼ ਦਾ ਮੁੱਲ ਅੱਜ ਅਸੀਂ ਮਨੂੰਵਾਦੀਆਂ ਪਿੱਛੇ ਲੱਗ ਕੇ ਕੌਡੀਆਂ ਦੇ ਭਾਅ ਪਾ ਰਹੇ ਹਾਂ | ਬਾਬਾ ਸਾਹਿਬ ਨੇ ਉਸ ਵੇਲੇ ਸੱਚ ਹੀ ਕਿਹਾ ਸੀ ਕਿ ਮੈਨੂੰ ਮੇਰੀ ਕੌਮ ਦੇ ਪੜੇ ਲਿਖੇ ਲੋਕਾਂ ਨੇ ਪਿੱਛੇ ਕੀਤਾ ਅੱਜ ਉਹ ਅਸੀਂ ਆਪ ਅੱਖੀਂ ਵੇਖ ਰਹੇ ਹਾਂ | ਮਹਾਨ ਰਹਿਬਰਾਂ ਦੀਆਂ ਕੁਰਬਾਨੀਆਂ ਨੂੰ ਭੁੱਲਣ ਵਾਲੀ ਕੌਮ ਦੀਆਂ ਨੀਹਾਂ ਜਿਆਦਾ ਦੇਰ ਤੱਕ ਮਜਬੂਤ ਨਹੀਂ ਰਹਿੰਦੀਆਂ | ਜਿਹੜੀ ਕੌਮ ਆਪਣੇ ਰਹਿਬਰਾਂ ਨੂੰ ਭੁੱਲ ਜਾਂਦੀਆਂ ਸਮਾਜ ਵਿੱਚ ਉਹ ਸਭ ਤੋਂ ਪਿੱਛੇ ਰਹਿ ਜਾਂਦੀਆਂ | ਅਗਰ ਅੱਜ ਅਸੀਂ ਬਾਬਾ ਸਾਹਿਬ ਦੇ ਵਾਰਿਸ ਅਖਵਾਉਣਾ ਹੈ ਤਾਂ ਸਾਨੂੰ ਵੀ ਉਨ੍ਹਾਂ ਦੇ ਦੱਸੇ ਰਸਤਿਆਂ ਤੇ ਚੱਲ ਕੇ ਸਭ ਤੋਂ ਪਹਿਲਾ ਪੜਨਾਂ ਪਵੇਗਾ, ਪੜ ਕੇ ਏਕਾ ਕਰਨਾ ਪਵੇਗਾ, ਏਕਾ ਕਰਕੇ ਹੰਭਲਾ ਮਾਰਨਾ ਪਵੇਗਾ ਤਾਂ ਕਿ ਅਸੀਂ ਮੰਜਿਲ ਤੱਕ ਪਹੁੰਚ ਸਕੀਏ | ਸਾਡੀ ਮੰਜਿਲ ਕੋਈ ਜਿਆਦਾ ਦੂਰ ਨਹੀਂ, ਦਿੱਲੀ ਦਾ ਤਖਤ ਹੈ | ਬਾਬਾ ਸਾਹਿਬ ਨੇ ਕਿਹਾ ਸੀ ਕਿ ਇੱਕ ਵਾਰ ਦਿੱਲੀ ਦੇ ਤਖਤ ਤੇ ਬੈਠ ਜਾਉ, ਸਮਾਜ ਵਿੱਚ ਤੁਹਾਡੀ ਪਹਿਚਾਣ ਦੁਬਾਰਾ ਬਣੇਗੀ | 4500 ਸਾਲ ਰਾਜ ਕਰਨ ਵਾਲੇ ਰਾਜੇ ਇੱਕ ਵਾਰ ਫਿਰ ਰਾਜ ਭਾਗ ਨੂੰ ਚਲਾਉਣਗੇ | ਬੱਸ ਲੋੜ ਹੈ ਤਾਂ ਇਸ ਗੱਲ ਨੂੰ ਸਮਝ ਕੇ ਬਹੁਜਨ ਸਮਾਜ ਦੇ ਝੰਡੇ ਥੱਲੇ ਇਕੱਠੇ ਹੋਣ ਦੀ | ਜਿਸ ਦਿਨ ਅਸੀਂ ਬਾਬਾ ਸਾਹਿਬ ਦੁਬਾਰਾ ਚਲਾਏ ਕਾਫਲੇਂ ਨੂੰ ਮੰਜਿਲ ਤੱਕ ਪਹੁੰਚਾ ਦਿੱਤਾ, ਉਸ ਦਿਨ ਸਤਿਗੁਰੂ ਰਵਿਦਾਸ ਜੀ ਦੇ ਬੇਗਮਪੁਰੇ ਦੇ ਸੰਕਲਪ ਨੂੰ ਪੂਰਾ ਕਰ ਦੇਵਾਂਗੇ |

ਸੰਪਾਦਕ- ਮਨੀ ਚੌਹਾਨ - ਮੋਢੀ ਇਨਕਲਾਬ ਦਾ

Tuesday, April 6, 2010

ਸ਼੍ਰੀ ਗੁਰੂ ਰਵਿਦਾਸ ਸੁਪਰੀਮ ਕੌਂਸਲ ਲੰਡਨ ਯੂ.ਕੇ ਵੱਲੋਂ ਅਮ੍ਰਿਤ ਬਾਣੀ ਦਾ ਪ੍ਰਕਾਸ਼ ਕੀਤਾ ਗਿਆ








ਲੰਡਨ 02 ਅਪ੍ਰੈਲ(ਜਸਵਿੰਦਰ ਕਟਾਰੀਆ-ਮੋਢੀ ਇਨਕਲਾਬ ਦਾ) ਸ਼੍ਰੀ ਗੁਰੂ ਰਵਿਦਾਸ ਸੁਪਰੀਮ ਕੌਂਸਲ ਲੰਡਨ ਯੂ ਕੇ ਵੱਲੋਂ ਲੰਡਨ ਵਿੱਚ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦਾ ਪ੍ਰਕਾਸ਼ ਸ਼੍ਰੀ ਗੁਰੂ ਰਵਿਦਾਸ ਜਨਮ ਅਸਥਾਨ ਪਬਲਿਕ ਚੈਰੀਟੇਲ ਟਰੱਸਟ ਰਜਿ ਕਾਂਸ਼ੀ ਬਨਾਰਸ ਯੂ ਪੀ, ਇੱਡੀਆ ( ਸ਼੍ਰੀ ਗੁਰੂ ਰਵਿਦਾਸ ਸੁਪਰੀਮ ਕੌਂਸਲ ਆਫ ਇੱਡੀਆ) ਦੇ ਸਹਿਯੋਗ ਨਾਲ ਅਤੇ ਸ਼੍ਰੀ ਗੁਰੂ ਰਵਿਦਾਸ ਸੁਪਰੀਮ ਕੌਂਸਲ ਇਟਲੀ, ਯੂਰਪ ਅਤੇ ਸ਼੍ਰੀ 108 ਸੰਤ ਸਰਵਣ ਦਾਸ ਟਰੱਸਟ ਯੂਕੇ, ਸ਼੍ਰੀ 108 ਸੰਤ ਸਰਵਣ ਦਾਸ ਸਭਾ ਯੂਕੇ, ਸ਼੍ਰੀ ਗੁਰੂ ਰਵਿਦਾਸ ਹੂਮਨ ਰਾਈਟਸ ਇਟੰਰਨੈਸ਼ਨਲ ਸਭਾ ਯੂਕੇ, ਸ਼੍ਰੀ ਗੁਰੂ ਰਵਿਦਾਸ ਮਿਸ਼ਨ ਲੰਡਨ ਯੂਕੇ, ਸ਼੍ਰੀ ਗੁਰੂ ਰਵਿਦਾਸ ਸਭਾਵਾਂ ਯੂਕੇ ਦੇ ਮੈਂਬਰ ਤੇ ਟਰੱਸਟੀਆਂ, ਬਹੁਜਨ ਸਮਾਜ ਪਾਰਟੀ, ਸੁਪੋਟਰ ਅਤੇ ਯੂਕੇ ਦੇ ਵਰਕਰਾਂ, ਅੰਬੇਡਕਰ ਸਭਾਵਾਂ ਦੇ ਮੈਂਬਰਾ, ਬੁੱਧੀਸ਼ਟ ਸਭਾਵਾ ਯੂਕੇ ਦੇ ਸਹਿਯੋਗ ਨਾਲ ਕੀਤਾ ਗਿਆ | ਬਰਸੀ ਸਮਾਗਮ ਵਿੱਚ ਪਹੁੰਚੇ ਸੰਸਥਾਵਾਂ ਦੇ ਪ੍ਰਧਾਨ, ਅਹੁਦੇਦਾਰ ਨੇ "ਅਮ੍ਰਿਤ ਬਾਣੀ" ਦੇ ਪ੍ਰਕਾਸ਼ ਦੇ ਮੌਕੇ ਅਤੇ ਸ਼੍ਰੀ 108 ਸੰਤ ਹਰੀ ਦਾਸ ਜੀ ਦੀ ਬਰਸੀ ਤੇ ਸੰਤ ਮਹਾਂਪੁਰਸ਼ਾਂ ਦੇ ਜੀਵਨ ਉੱਤੇ ਚਾਨਣਾ ਪਾਇਆ, ਅਤੇ ਉਨ੍ਹਾਂ ਵੱਲੋਂ ਰਵਿਦਾਸੀਆ ਕੌਮ ਨੂੰ ਦਿੱਤੇ ਅਹਿਮ ਯੋਗਦਾਨ ਬਾਰੇ ਦੱਸਿਆ ਕਿ ਡੇਰਾ ਸੱਚਖੰਡ ਬੱਲਾਂ ਦੇ ਸਾਰੇ ਹੀ ਮਹਾਂਪੁਰਸ਼ਾਂ ਨੇ ਆਪਣਾ ਸਾਰਾ ਜੀਵਨ ਰਵਿਦਾਸੀਆ ਕੌਮ ਨੂੰ ਸਮਰਪਿਤ ਕੀਤਾ ਹੋਇਆ ਹੈ | ਡੇਰਾ ਬੱਲਾਂ ਦੇ ਮਹਾਂਪੁਰਸ਼ਾਂ ਨੇ ਘਰ ਘਰ ਜਾ ਕੇ ਦਿਨ-ਰਾਤ ਇੱਕ ਕਰਕੇ ਅਤੇ ਅਣਥੱਕ ਮਿਹਨਤ ਕਰਕੇ ਰਵਿਦਾਸੀਆ ਕੌਮ ਨੂੰ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਮਿਸ਼ਨ ਨਾਲ ਜੋੜਿਆ ਹੈ, ਤੇ ਜੋੜਦੇ ਆ ਰਹੇ ਹਨ | ਮਹਾਪਰਸ਼ਾਂ ਦੀ ਭਗਤੀ, ਸ਼ਕਤੀ ਹਤੇ ਮਿਹਨਤ ਕਮਾਈ ਦੇ ਸਦਕਾਂ ਹੀ ਰਵਿਦਾਸੀਆ ਕੌਮ ਨੂੰ ਸੰਤ ਸਰਵਣ ਦਾਸ ਚੈਰੀਟੇਬਲ ਹਸਪਤਾਲ ਅੱਡਾ ਕਠਾਰ, ਪਿੰਡ ਬੱਲਾਂ ਵਿਖੇ ਅੱਖਾਂ ਦਾ ਹਸਪਤਾਲ ਗਰੀਬ ਲੋਕਾਂ ਦਾ ਮੁਫਤ ਇਲਾਜ ਕਰਨ ਵਾਸਤੇ ਬਣਾਇਆ ਗਿਆ ਹੈ | ਫਗਵਾੜਾ ਵਿਖੇ ਗਰੀਬ ਬੱਚਿਆਂ ਦੀ ਪੜਾਈ ਵਾਸਤੇ ਵੱਡਾ ਇੱਗਲਿਸ਼ ਮੀਡੀਅਮ ਸਕੂਲ 10+2 ਤੱਕ ਬਣਾਇਆ ਹੇ | ਪਿੰਡ ਬੱਲਾਂ ਵਿਖੇ "ਸ਼੍ਰੀ ਗੁਰੂ ਰਵਿਦਾਸ ਸਤਿਸੰਗ ਭਵਨ ਬਣਾਇਆ ਹੈ | ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਜਨਮ ਅਸਥਾਨ ਦੀ ਖੋਜ ਕਰਕੇ ਕਾਂਸ਼ੀ ਬਨਾਰਸ ਵਿਖੇ ਸੁੰਦਰ ਮੰਦਰ ਬਣਾਇਆ ਹੈ | ਇਸ ਮੰਦਰ ਨੂੰ ਕੌਮ ਦੇ ਮਹਾਨ ਸ਼ਹੀਦ ਸੰਤ ਰਾਮਾਨੰਦ ਜੀ ਦੀ ਇੱਛਾ ਅਨੁਸਾਰ ਅਤੇ ਰਵਿਦਾਸੀਆ ਕੌਮ ਦੀ ਇੱਛਾ ਅਨੁਸਾਰ ਸੋਨੇ ਵਿੱਚ ਮੜਾਉਣ ਦਾ ਕੰਮ ਜੋਰਾਂ ਸ਼ੁਰੂ ਹੋ ਚੁੱਕਾ ਹੈ | ਡੇਰਾ ਸੱਚਖੰਡ ਬੱਲਾਂ ਦੇ ਮਹਾਂਪੁਰਸ਼ਾਂ ਦੁਆਰਾ ਕੀਤੇ ਸ਼ੁੱਭ ਕਾਰਜਾਂ ਦੀ ਰਵਿਦਾਸੀਆ ਕੌਮ ਹਮੇਸ਼ਾ ਰਿਣੀ ਅਤੇ ਅਭਾਰੀ ਰਹੇਗੀ | ਆਏ ਆਗੂਆਂ ਨੇ ਦੱਸਿਆ ਕਿ ਸ਼੍ਰੀ ਗੁਰੂ ਰਵਿਦਾਸ ਜਨਮ ਅਸਥਾਨ ਪਬਲਿਕ ਚੈਰੀਟੇਬਲ ਟਰੱਸਟ ਕਾਂਸ਼ੀ ਬਨਾਰਸ (ਰਵਿਦਾਸੀਆ ਸੁਪਰੀਮ ਕੌਂਸਲ ਇੰਡੀਆ) ਨੇ ਅਤੇ ਸਾਡੇ ਸੰਤ ਸਮਾਜ ਨੇ ਰਵਿਦਾਸੀਆ ਕੌਮ ਲਈ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਨਿਰੋਲ ਬਾਣੀ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਨਿਸ਼ਾਨ ਸਾਹਿਬ "ਹਰਿ" ਜੈਕਾਰਾ "ਜੈ ਗੁਰੂਦੇਵ" ਧਰਮ "ਰਵਿਦਾਸੀਆ" ਦਾ ਐਲਾਨ ਕੀਤਾ, ਜੋ ਕਿ ਰਵਿਦਾਸੀਆ ਕੌਮ ਲਈ ਇੱਕ ਬਹੁਤ ਵੱਡਾ ਮੀਲ ਪੱਥਰ ਹੈ, ਜਿਸ ਦੀ ਬਹੁਤ ਸਮੇਂ ਤੋਂ ਰਵਿਦਾਸੀਆ ਕੌਮ ਮੰਗ ਕਰਦੀ ਸ਼ੀ, ਨੂੰ ਪੂਰਾ ਕੀਤਾ ਹੈ | ਇਸ ਮੌਕੇ ਸਮੂਹ ਸੰਗਤਾ ਦੇ ਇਕੱਠ ਨੇ "ਅਮ੍ਰਿਤ ਬਾਣੀ" ਦਾ ਜਦੋਂ ਪ੍ਰਕਾਸ਼ ਕੀਤਾ ਗਿਆ, ਤਾਂ ਸਾਰੇ ਪੰਡਾਲ ਅੰਦਰ ਫੁੱਲਾਂ ਦੀ ਵਰਖਾ ਸ਼ੁਰੂ ਹੋ ਗਈ ਅਤੇ ਪੰਡਾਲ ਜੈ ਗੁਰੂਦੇਵ ਧੰਨ ਗੁਰੂਦੇਵ, ਸ਼੍ਰੀ ਗੁਰੂ ਰਵਿਦਾਸ ਸ਼ਕਤੀ ਅਮਰ ਰਹੇ, ਸ਼ਹੀਦ ਸੰਤ ਰਾਮਾਨੰਦ ਜੀ ਤੁਹਾਡੀ ਸੋਚ ਤੇ, ਪਹਿਰਾ ਦਿਆਂ ਗੇ ਠੋਕ ਕੇ ਦੇ ਜੈਕਾਰਿਆਂ ਨਾਲ ਪੰਡਾਲ ਅਤੇ ਅਸਮਾਨ ਗੂੰਜ ਉੱਠਿਆ | ਇਹ ਅਦਭੁੱਤ ਨਜਾਰਾ ਦੇਖਦੇ ਹੀ ਬਣਦਾ ਸੀ, ਜਿੱਥੇ ਸੰਗਤ ਦੇ ਭਾਰੀ ਇਕੱਠ ਨੇ ਆਪਣੀਆਂ ਅੱਖਾਂ ਵਿੱਚੋਂ ਖੁਸ਼ੀ ਦੇ ਅੱਥਰੂਆਂ ਨਾਲ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦਾ ਨਿੱਘਾ ਸਵਾਗਤ ਕੀਤਾ, ਜਿੱਥੇ ਸਮਾਂ ਤੇ ਹਵਾਵਾਂ ਕੁੱਝ ਪਲਾਂ ਲਈ ਇਹ ਨਜਾਰਾ ਵੇਖਣ ਲਈ ਰੁਕ ਗਈਆਂ ਸਨ | ਇਸ ਸਮਾਗਮ ਵਿੱਚ ਯੂਕੇ ਦੀ ਧਰਤੀ ਤੇ ਪਹਿਲੀ ਵਾਰ ਬਿਨਾਂ ਕਿਸੇ ਮੱਤਭੇਦ ਦੇ ਰਵਿਦਾਸੀਆ ਸੰਸਥਾਵਾਂ ਦੇ ਨੁਮਾਇੰਦੇ ਇੱਕ ਸਟੇਜ ਤੇ ਇਕੱਠੇ ਹੋਏ, ਦੇਖ ਕੇ ਸਤਿਗੁਰੂ ਰਵਿਦਾਸ ਜੀ ਦਾ ਸੁਪਨਾਸੱਚ ਹੁੰਦਾ ਨਜਰ ਆਇਆ "ਬੇਗਮਪੁਰਾ ਸਹਿਰ ਕੋ ਨਾਉ, ਦੁਖੂ ਅੰਦਹੋ ਨਾਹਿ ਤਹਿ ਠਾਓ "
ਆਗੂਆਂ ਨੇ ਕਿਹਾ ਕਿ ਸਾਡੇ ਸਮਾਜ ਨੇ ਕਰਬਾਨੀਆਂ ਤਾਂ ਬਹੁਤ ਦਿੱਤੀਆਂ, ਪਰ ਉਸਦਾ ਫਾਇਦਾ ਦੂਜਿਆਂ ਨੇ ਹੀ ਲਿਆ, ਪਰ ਸੰਤ ਰਾਮਾਨੰਦ ਜੀ ਦੀ ਸ਼ਹੀਦੀ ਨੇ ਸਾਡੀ ਸੁੱਤੀ ਹੋਈ ਕੌਮ ਨੂੰ ਜਗਾਇਆ, ਪਰ ਹੁਣ ਸਾਨੂੰ ਸਾਡੇ ਸਮਾਜ ਸਮਾਜ ਦੇ ਉਨ੍ਹਾਂ ਧੋਖੇਬਾਜ ਵਿਕਾਊ ਧਾਰਮਿਕ ਲੀਡਰਾਮ ਤੋਂ ਬਚਣਾ ਚਾਹੀਦਾ ਹੈ | ਜੋ ਸਾਡੀ ਕੌਮ ਨੂੰ ਵੇਚ ਕੇ ਆਪਣੇ ਘਰ ਭਰ ਰਹੇ ਹਨ | ਸਾਨੂੰ ਕਾਂਸ਼ੀ ਤੋਂ ਆਏ ਹਰ ਹੁਕਮਨਾਮੇ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ ਤੇ ਉਸਨੂੰ ਲਾਗੂ ਕਰਨਾ ਚਾਹੀਦਾ ਹੈ ਤਾਂ ਹੀ ਅਸੀਂ ਰਵਿਦਾਸੀਏ ਕਹਾਂਵਾਂਗੇ | ਸਟੇਜ ਉਪਰੋਂ ਇਹ ਵੀ ਐਲਾਨ ਕੀਤਾ ਗਿਆ ਕਿ ਇਹ ਸੰਸਥਾ ਸਾਰਿਆਂ ਦੇ ਸਹਿਯੋਗ ਨਾਲ ਮਹੀਨਾ ਜੂਨ 2010 ਵਿੱਚ ਕੌਮ ਦੇ ਮਹਾ ਸ਼ਹੀਦ ਸ਼੍ਰੀ 108 ਸੰਤ ਰਾਮਾਨੰਦ ਜੀ ਦਾ ਸ਼ਹੀਦੀ ਸਮਾਗਮ ਹਤੇ ਉਨ੍ਹਾਂ ਨਾਲ ਕੌਮ ਦੇ 4 ਮਹਾਨ ਸ਼ਹੀਦਾਂ ਦਾ ਸ਼ਹੀਦੀ ਸਮਾਗਮ ਵਿਸ਼ਵ ਪੱਧਰ ਤੇ ਇੰਗਲੈਂਡ ਵਿੱਚ ਮਨਾਇਆ ਜਾਵੇਗਾ | ਜਿਸ ਵਿੱਚ ਪੂਰਾ ਯੂਰਪ, ਅਮਰੀਕਾ, ਕਨੇਡਾ ਅਤੇ ਇੰਡੀਆ ਆਦਿ ਤੋਂ ਸੰਗਤਾਂ ਨੂੰ ਸੱਦਾ ਪੱਤਰ ਭੇਜਿਆ ਜਾਵੇਗਾ | ਆਖਿਰ ਵਿੱਚ ਸਟੇਜ ਤੋਂ ਸ਼੍ਰੀ ਮਨਜੀਤ ਰਾਏ, ਪ੍ਰਧਾਨ ਸ਼੍ਰੀ ਗੁਰੂ ਰਵਿਦਾਸ ਸੁਪਰੀਮ ਕੌਂਸਲ ਲੰਡਨ ਯੂਕੇ ਵੱਲੋਂ ਸਮੂਹ ਸੰਸਥਾਵਾਂ ਦੀ ਤਰਫੋਂ ਆਦਰ ਸਹਿਤ ਧੰਨਵਾਦ ਕੀਤਾ ਗਿਆ ਅਤੇ ਸਮਾਪਤੀ ਜੈ ਗੁਰੂਦੇਵ ਧੰਨ ਗੁਰੂਦੇਵ ਦੇ ਜੈਕਾਰਿਆ ਨਾਲ ਕੀਤੀ ਗਈ | ਇਸ ਮੌਕੇ ਤੇ ਪਹੁੰਚੇ ਪ੍ਰਤੀਨਿੱਧ ਫਕੀਰ ਚੰਦ ਵਿਰਦੀ, ਹੰਸ ਰਾਜ ਸੋਂਧੀ, ਟਰੱਸਟੀ ਗੁਰੂ ਰਵਿਦਾਸ ਸਭਾ ਸਾਉਥਹਾਲ, ਨਿਰਮਲ ਚੰਦੜ, ਕਮਲ, ਟਰੱਸਟੀ ਸ਼੍ਰੀ 108 ਸੰਤ ਸਰਵਣ ਦਾਸ ਚੈਰੀਟੇਬਲ ਟਰੱਸਟ ਯੂਕੇ, ਲੇਖ ਰਾਜ ਵਿਰਦੀ, ਐਡਵੋਕੇਟ ਲੀਗਲ ਐਡਵਾਈਜ਼ਰ, ਰਾਮਜੀ ਦਾਸ ਚੰਦੜ, ਸੀਨੀਅਰ ਮੀਤ ਪ੍ਰਧਾਨ, ਜਸਵਿੰਦਰ ਕਟਾਰੀਆ, ਮੀਤ ਪ੍ਰਧਾਨ, ਸੁਪਰੀਮ ਕੌਂਸਲ ਲੰਡਨ( ਵਾਇਸ ਪ੍ਰਧਾਨ ਬੀ ਐਸ ਪੀ/ ਸੁਪੋਰਟਰ/ਯੂਕੇ) ਸੁਰਜੀਤ ਸਰੋਏ, ਚੇਅਰਮੈਨ, ਸਤਨਾਮ ਬਿਲਗਾ, ਪ੍ਰਧਾਨ ਬੀ ਐਸ ਪੀ/ਸੁਪੋਰਟ/ਯੂਕੇ, ਸ਼੍ਰੀ ਗੁਰੂ ਰਵਿਦਾਸ ਹੁਮਨ ਰਾਈਟ ਸਭਾ ਯੂਕੇ ਦੇ ਚੇਅਰਮੈਨ ਰਮੇਸ਼ ਕਲੇਰ, ਪ੍ਰਧਾਨ ਦੇਸ ਰਾਜ ਮਹਿਮੀ, ਜਨਰਲ ਸੈਕਟਰੀ ਚਮਨ ਮਢਾਰ, ਅਤੇ ਸ਼੍ਰੀ ਗੁਰੂ ਰਵਿਦਾਸ ਮਿਸ਼ਨ ਲੰਡਨ ਯੂਕੇ ਦੇ ਪ੍ਰਧਾਨ ਮਿਸਟਰ ਲਗਾਹ, ਜਨਰਲ ਸੈਕਟਰੀ ਹਰਬੰਸ ਲਾਲ ਬਾਲੀ, ਤੇ ਗੁਰਦਵਿੰਦਰ ਕੁਮਾਰ ਪ੍ਰਧਾਨ, ਬੁੱਧਸ਼ਿਸ਼ਟ ਔਰਗਨਾਈਜੇਸ਼ਨ ਬਰਮੀਗਮ, ਯੂਕੇ, ਤੇ ਐਚ ਐਲ ਵਿਰਦੀ ਜਨਰਲ ਸੈਕਟਰੀ ਡਾ. ਭੀਮ ਰਾਓ ਅੰਬੇਡਕਰ ਸਭਾ ਯੂਕੇ, ਨਛੱਤਰ ਕਲਸੀ, ਸੈਕਟਰੀ ਗੁਰੂ ਰਵਿਦਾਸ ਸਭਾ ਸਾਉਥਹਾਲ, ਰਜਿੰਦਰ ਸ਼ਿੰਦੀ ਮੈਂਬਰ ਸ਼੍ਰੀ ਗੁਰੂ ਰਵਿਦਾਸ ਸਭਾ ਸਾਉਥਹਾਲ, ਮਨਜੀਤ ਜੱਸੀ ਮੈਂਬਰ ਸ਼੍ਰੀ ਗੁਰੂ ਰਵਿਦਾਸ ਸਭਾ ਈਸਟਈਸ, ਦੀਸ਼ ਘੇੜਾ ਜਨਰਲ ਸੈਕਟਰੀ ਸ਼੍ਰੀ ਗੁਰੂ ਰਵਿਦਾਸ ਸਭਾ ਨੌਰਥਹੈਪਟਨ, ਸ਼੍ਰੀ 108 ਸੰਤ ਸਰਵਣ ਦਾਸ ਸਭਾ ਲੰਡਨ ਯੂਕੇ, ਕੁਲਵਿੰਦਰ ਕੌਰ ਸਰੋਏ, ਅਮਰੀਸ਼ਾ ਰਾਏ, ਭੋਲੀ ਰੰਧਾਵਾ ਬਰਮੀਗਮ, ਸੰਤੋਖ ਭਾਟੀਆ, ਕਮਲਜੀਤ, ਨੀਲਮ ਕੈਂਥ, ਹਰਬੰਸ ਕੌਰ ਸਰੋਏ, ਭਜਨ ਕੌਰ ਬੰਗੜ, ਨੀਲਮ ਕਟਾਰੀਆ, ਮਨਮੋਹਨ ਲਾਲ ਭਾਟੀਆ, ਬਲਕਾਰ ਸਰੋਏ, ਇੱਦਰਜੀਤ ਸੋਧੀਂ, ਜੋਗਿੰਦਰ ਬੰਗੜ, ਸੋਮਨਾਥ ਕੈਂਥ, ਚਮਨ ਚੁੰਬਰ, ਅਤੇ ਬੀ ਐਸ ਪੀ ਸੁਪੋਰਟਰ ਯੂਕੇ ਦੇ ਵਰਕਰ, ਸੁਨੀਲ ਮੁਠੱਡਾ, ਸੈਕਟਰੀ, ਰਜਿੰਦਰ ਜੱਸੀ, ਹਰਜਿੰਦਰ ਕਲੇ, ਰਾਜ ਕੁਮਾਰ ਜੱਖੂ, ਰਵੀ ਚਾਹਲ, ਜਗਦੀਸ਼ ਕੁਲਥਮ, ਨਿੱਕਾ ਮਲਾਵੀ, ਸੁੱਚਾ ਸਿੱਘ, ਮਿੰਟੂ ਬਲਵਿੰਦਰ, ਦੀਪਕ ਬੋਪਾਰਾਏ ਐਡਵੋਕੇਟ, ਅਵਤਾਰ ਚੰਦ ਐਡਵੋਕੇਟ ਆਦਿ ਹਾਜਿਰ ਸਨ | ਇਸ ਮੌਕੇ ਰੂਪ ਲਾਲ ਧੀਰ ਦੇ ਮਿਸ਼ਨਰੀ ਜੱਥੇ ਵੱਲੋਂ ਗਾਏ ਮਿਸ਼ਨਰੀ ਗੀਤਾਂ ਨਾਲ ਪੰਡਾਲ ਗੂੰਜ ਉੱਠਿਆ |

Friday, April 2, 2010

Tuesday, March 30, 2010

Thursday, March 25, 2010

Tuesday, March 23, 2010


ਗਰੀਸ ਵਾਸੀਆਂ ਨੇ ਕੀਤਾ ਸ਼ਰਧਾ ਨਾਲ "ਅਮ੍ਰਿਤ ਬਾਣੀ" ਦਾ ਪ੍ਰਕਾਸ਼


ਗਰੀਸ 07 ਮਾਰਚ(ਰੋਹਿਤ ਕੁਮਾਰ) ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਕਰੋਪੀ (ਐਥਨਸ)ਵਿਖੇ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦਾ ਪ੍ਰਕਾਸ਼ ਬੜੀ ਹੀ ਸ਼ਰਧਾ ਅਤ ਧੁੰਮ-ਧਾਮ ਨਾਲ ਕੀਤਾ ਗਿਆ | "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦੇ ਪਵਿੱਤਰ ਸਰੂਪ ਨੂੰ ਗੁਰੂ ਘਰ ਦੇ ਪ੍ਰਧਾਨ ਸ਼੍ਰੀ ਅਵਤਾਰ ਸਿੰਘ ਜੀ ਦੇ ਘਰ ਤੋਂ ਸ਼ੋਭਾ ਯਾਤਰਾ ਦੇ ਰੂਪ ਵਿੱਚ ਗੁਰੂ ਘਰ ਲਿਆਂਦਾ ਗਿਆ | ਸ਼ੋਭਾ ਯਾਤਰਾ ਵਿੱਚ ਹਜਾਰਾਂ ਸੰਗਤਾਂ ਕਰੋਪੀ, ਪਸਗਨਾ, ਸਕਾਲਾ, ਓਰੋਪੁ,ਸੀਮਾਤਾਰੀ, ਅਤੇ ਗਰੀਸ ਦੇ ਕੋਨੇ-ਕੋਨੇ ਤੋਂ ਪਹੁੰਚੀਆਂ ਸਨ | ਸਾਰਾ ਸ਼ਹਿਰ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਜੈ ਜੈਕਾਰ ਨਾਲ ਗੂੰਜ ਰਿਹਾ ਸੀ | ਗੁਰੂ ਘਰ ਪਹੁੰਚਣ ਤੇ ""ਅਮ੍ਰਿਤ ਬਾਣੀ ਦੇ ਪਾਠ ਦੇ ਭੋਗ ਪਾਏ ਗਏ | ਸ਼੍ਰੀ ਗੁਰਨਾਮ ਸਿੰਘ ਜੀ ਨੇ ਪਹੁੰਚੀਆਂ ਸੰਗਤਾਂ ਦਾ ਸਵਾਗਤ ਕੀਤਾ ਅਤੇ ਗੁਰਧਿਆਨ ਜੀ ਨੇ ਸ਼ਬਦ "ਬੋਲ ਸੰਗਤੇ ਜੈਕਾਰਾ ਕਾਂਸ਼ੀ ਵਾਲੇ ਦਾ" ਗਾਇਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ | ਉਪਰੰਤ ਅਰੁਨ ਕੁਮਾਰ ਜੀ ਕੌਮ ਦੇ ਮਹਾਨ ਸ਼ਹੀਦ ਸ਼੍ਰੀ 108 ਸੰਤ ਰਾਮਾਨੰਦ ਜੀ ਦੀ ਪਾਵਨ ਰਸਨਾ ਤੋਂ ਉਚਾਰਨ ਕੀਤਾ ਸ਼ਬਦ "ਚਲੋ ਬਨਾਰਸ ਸਾਧ ਸੰਗਤ ਜੀ ਇੱਕ ਇਤਿਹਾਸ ਰਚਾਉਣਾ ਹੈ" ਦਾ ਗਾਇਨ ਕਰਕੇ ਸੰਗਤਾਂ ਵਿੱਚ ਜੋਸ਼ ਭਰ ਦਿੱਤਾ | ਉਪਰੰਤ ਭਜਨ ਲਾਲ ਸੀਮਾਤਾਰੀ, ਰਾਏ ਐਂਡ ਰੱਤੀ ਬ੍ਰਦਰਜ਼, ਸ਼ਿੰਦਾ ਰਾਣੀਪੁਰੀਆ, ਕਰਨੈਲ ਰੱਤੂ, ਜਸਪਾਲ ਬਾਲੀ, ਸਰੋਜ ਰਾਣੀ, ਜਸਵਿੰਦਰ ਕਰੋਪੀ, ਪਰਮਜੀਤ ਬੰਗੜ ਪਸਾਗਨਾ ਜੀ ਨੇ ਵੀ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਉਪਮਾ ਵਿੱਚ ਸ਼ਬਦ ਗਾਇਨ ਕੀਤੇ | ਬਾਅਦ ਵਿੱਚ ਗੁਰਨਾਮ ਸਿੰਘ ਕਰੋਪੀ, ਗੁਰਦੀਪ ਸਿੰਘ ਤਵਰੋਸ, ਸੁਖਵਿੰਦਰ ਬਗਲਾ, ਕੁਲਵਿੰਦਰ ਪਸਗਨਾ, ਮਲਕੀਤ ਝੱਲੀ(ਸੰਪਾਦਕ ਇਡੋਂ ਯੂਰਪੀਅਨ ਟਾਇਮਜ਼) ਧਰਮਪਾਲ ਰੱਤੂ, ਰੂਪ ਲਾਲ(ਪ੍ਰਧਾਨ ਡਾ ਬੀ ਆਰ ਅੰਬੇਡਕਰ ਸੋਸ਼ਲ ਵੈਲਫੇਅਰ ਸੁਸਾਇਟੀ ਗਰੀਸ) ਨੇ ਆਪਣੇ ਵਿਚਾਰ ਪੇਸ਼ ਕੀਤੇ | ਸਟੇਜ ਸਕੱਤਰ ਸ਼੍ਰੀ ਬਿੱਟੂ ਜੰਡਿਆਲਾ ਜੀ ਨੇ ਸਟੇਜ ਦੀ ਕਾਰਜਕਰਤਾ ਬਾਖੂਬੀ ਨਿਭਾਈ | ਹਰ ਸਾਲ ਦੀ ਤਰ੍ਹਾਂ ਮੂਵੀ ਦੀ ਸੇਵਾ ਰਾਏ ਸਟੂਡਿਓ ਮੋਰੋਂ ਵਾਲਿਆਂ ਨੇ ਕੀਤੀ | ਅੰਤ ਵਿੱਚ ਗੁਰੂ ਘਰ ਦੇ ਪ੍ਰਧਾਨ ਸ਼੍ਰੀ ਅਵਤਾਰ ਸਿੰਘ ਸੋਡੀ ਜੀ ਨੇ ਪਹੁੰਚੀਆਂ ਸੰਗਤਾਂ ਦਾ ਕੋਟਿਨ ਕੋਟ ਧੰਨਵਾਦ ਕੀਤਾ ਅਤੇ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ" ਦੇ ਪ੍ਰਕਾਸ਼ ਕਰਨ ਦੀਆਂ ਸਾਰੀ ਸੰਗਤ ਨੂੰ ਮੁਬਾਰਕਾਂ ਦਿੱਤੀਆਂ | ਇਸ ਮੌਕੇ ਗੁਰੂ ਕੇ ਲੰਗਰ ਅਤੁੱਟ ਵਰਤਾਏ ਗਏ |

ਸੰਤ ਰਾਮਾਨੰਦ ਜੀ ਚੇਤਨਾ ਮਾਰਚ ਤੇ ਪਹੁੰਚੀਆਂ ਹਜਾਰਾਂ ਸੰਗਤਾਂ

14 ਮਾਰਚ ਫਗਵਾੜਾ(ਸੋਨੀਆ ਰਾਣੀ) ਸਾਹਿਬ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਨੂੰ ਸਮਰਪਿਤ "ਸੰਤ ਰਾਮਾਨੰਦ ਜੀ" ਚੇਤਨਾ ਮਾਰਚ "ਗੁਰੂ ਰਵਿਦਾਸ ਫੋਰਸ ਪੰਜਾਬ ਵੱਲੋਂ ਫਗਵਾੜਾ ਤੋਂ ਖੁਰਾਲਗੜ੍ਹ ਤੱਕ ਲਿਜਾਇਆ ਗਿਆ | ਸਵੇਰੇ 10 ਵਜੇ ਡੇਰਾ ਸੱਚਖੰਡ ਬੱਲਾਂ ਦੇ ਮਹਾਨ ਮਹਾਂਪੁਰਸ਼ਾਂ ਨੇ ਚੇਤਨਾ ਮਾਰਚ ਦੀ ਆਰੰਭਤਾ ਲਈ ਅਰਦਾਸ ਕੀਤੀ ਅਤੇ ਸ਼੍ਰੀ 108 ਸੰਤ ਕਿਸ਼ਨ ਨਾਥ ਜੀ ਚਹੇੜੂ ਵਾਲਿਆਂ ਨੇ "ਹਰਿ" ਦੇ ਕੌਮੀ ਨਿਸ਼ਾਨ ਸਾਹਿਬ ਦਿਖਾ ਕੇ ਚੇਤਨਾ ਮਾਰਚ ਰਵਾਨਾ ਕੀਤਾ | ਇਹ ਚੇਤਨਾ ਮਾਰਚ ਗੁਰੂ ਰਵਿਦਾਸ ਫੋਰਸ ਦੇ ਪ੍ਰਧਾਨ ਡਾ ਸਤੀਸ਼ ਸੁਮਨ ਜੀ ਅਤੇ ਸਾਰੇ ਹੀ ਟੀਮ ਦੀ ਅਗਵਾਈ ਵਿੱਚ ਚੱਲਿਆ | ਇਸ ਮੌਕੇ ਸੰਗਤਾਂ ਦੇ ਭਾਰੀ ਇਕੱਠ ਵਿੱਚੋਂ ਸਤਿਗਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਜੈਕਾਰਿਆਂ ਦੀ ਗੂੰਜ ਆ ਰਹੀ ਸੀ | ਸੰਗਤ ਵਿੱਚ ਚੇਤਨਾ ਮਾਰਚ ਦੀ ਖੁਸ਼ੀ ਵੇਖ ਕੇ ਇੰਝ ਲਗਦਾ ਸੀ ਕਿ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਆਪ ਇਸ ਚੇਤਨਾ ਮਾਰਚ ਵਿੱਚ ਆਏ ਹਨ | ਜਗ੍ਹਾ-ਜਗ੍ਹਾ ਤੇ ਸੰਤ ਵਾਸਤੇ ਲੰਗਰ ਦਾ ਅਤੁੱਟ ਪ੍ਰਬੰਧ ਕੀਤਾ ਗਿਆ ਸੀ | ਸੰਗਤ ਚੇਤਨਾ ਮਾਰਚ ਉੱਪਰ ਫੁੱਲਾਂ ਦੀ ਵਰਖਾ ਕਰ ਰਹੀ ਸੀ | ਭਾਰੀ ਇਕੱਠ ਅਤੇ ਸੰਗਤ ਦੀ ਸ਼ਰਧਾ ਤੋਂ ਪ੍ਰਤੀਤ ਹੁੰਦਾ ਸੀ ਕਿ ਹੁਣ ਬੇਗਮਪੁਰਾ ਵਸਾਉਣ ਦਾ ਦਿਨ ਕੋਈ ਦੂਰ ਨਹੀਂ ਝਦੋਂ ਅਸੀਂ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਸੁਪਨੇ ਨੂੰ ਸਾਕਾਰ ਕਰਾਂਗੇ | ਚੇਤਨਾ ਮਾਰਚ ਫਗਵਾੜਾ ਤੋਂ ਚੱਲ ਕੇ ਬਹਿਰਾਮ ਪਹੁੰਚਿਆਂ ਜਿੱਥੇ ਸੰਗਤ ਵੱਲੋਂ ਬੜੀ ਹੀ ਸ਼ਰਧਾ ਨਾਲ ਚੇਤਨਾ ਮਾਰਚ ਦਾ ਭਰਪੂਰ ਸਵਾਗਤ ਕੀਤਾ ਗਿਆ | ਉਪਰੰਤ ਸਰਹਾਲਾ ਰਾਉਣਾ ਵੱਲੋਂ ਚਾਹ ਪਕੌੜਿਆ ਦਾ ਲੰਗਰ ਸੰਗਤ ਨੂੰ ਛਕਾਇਆ ਗਿਆ | ਬਹਿਰਾਮ ਤੋਂ ਹੁੰਦਾ ਹੋਇਆ ਚੇਤਨਾ ਮਾਰਚ ਬੰਗਾ ਪਹੁੰਚਿਆ | ਬੰਗਾ ਦੀ ਸੰਗਤ ਵੱਲੋਂ ਵੀ ਬੜੀ ਸ਼ਰਧਾ ਨਾਲ ਚੇਤਨਾ ਮਾਰਚ ਦਾ ਸਵਾਗਤ ਕੀਤਾ ਗਿਆ ਅਤੇ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਅਮ੍ਰਿਤ ਬਾਣੀ ਦੇ ਸ਼ਬਦ ਦਾ ਗੁਣਗਾਨ ਕਰਦਿਆਂ ਚੇਤਨਾ ਮਾਰਚ ਨੂੰ ਅੱਗੇ ਰਵਾਨਾ ਕੀਤਾ | ਉਪਰੰਤ ਚੇਤਨਾ ਮਾਰਚ ਬਾਕੀ ਪਿੰਡਾ ਸ਼ਹਿਰਾਂ ਵਿੱਚ ਦੀ ਹੁੰਦਾ ਹੋਇਆ ਗੜ੍ਹਸ਼ੰਕਰ ਪਹੁੰਚਿਆ ਜਿੱਥੇ ਬੈਂਡ ਵਾਜਿਆਂ ਨਾਲ ਚੇਤਨਾ ਮਾਰਚ ਦਾ ਸਵਾਗਤ ਕੀਤਾ ਗਿਆ ਅਤੇ ਸੰਗਤ ਨੂੰ ਅਥਾਹ ਸ਼ਰਧਾ ਪਿਆਰ ਨਾਲ ਲੰਗਰ ਛਕਾਇਆ ਗਿਆ | ਗੜ੍ਹਸ਼ੰਕਰ ਦੀ ਸੰਗਤ ਵੱਲੋਂ ਗੁਰੂ ਰਵਿਦਾਸ ਫੋਰਸ ਦੇ ਸ਼ਾਰੇ ਹੀ ਮੈਂਬਰਾਂ ਨੂੰ ਸਿਰੋਪਾਉ ਦੇ ਕਿ ਸਨਮਾਨਿਤ ਕੀਤਾ ਗਿਆ | ਚੇਤਨਾ ਮਾਰਚ ਅੱਗੇ ਵੱਧਦਾ ਹੋਇਆ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਪਾਵਨ ਛੋਹ ਪ੍ਰਾਪਤ ਧਰਤੀ ਖੁਰਾਲਗੜ੍ਹ ਵਿਖੇ ਪਹੁੰਚਿਆ | ਖੁਰਾਲਗੜ੍ਹ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਵੀ ਸੰਗਤ ਦੀ ਸੁਵਿਧਾ ਵਾਸਤੇ ਬਹੁਤ ਹੀ ਵਧੀਆ ਪ੍ਰਬੰਧ ਕੀਤੇ ਹੋਏ ਸਨ | ਸੰਤ ਰਾਮਾਨੰਦ ਜੀ ਚੇਤਨਾ ਮਾਰਚ ਦਾ ਮੁੱਖ ਮਕਸਦ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਵਿਚਾਰਧਾਰਾ ਨਾਲ ਜੋੜਨਾ, ਸਤਿਗੁਰੂ ਰਵਿਦਾਸ ਗੁਰੂ ਘਰਾਂ ਵਿਖੇ ਅਮ੍ਰਿਤ ਬਾਣੀ ਦਾ ਪ੍ਰਕਾਸ਼ ਕਰਵਾਉਣਾ, ਸਮਾਜ ਵਿੱਚ ਫੈਲੀਆਂ ਕੁਰੀਤੀਆਂ ਜਿਵੇਂ ਨਸ਼ੇ, ਦਾਜ, ਅਤੇ ਅਨਪੜ੍ਹਤਾ ਨੂੰ ਦੂਰ ਕਰਨਾ | ਇਸ ਮੌਕੇ ੪੫੦ ਦੇ ਕਰੀਬ ਮੋਟਸਾਈਕਲ, ੭੦-੭੫ ਗੱਡੀਆਂ ਵਿੱਚ ਸਵਾਰ ਹੋ ਕੇ ਸਿਰ ਉੱਤੇ ਹਰਿ ਦੇ ਕੌਮੀ ਨਿਸ਼ਾਨ ਸਾਹਿਬ ਦੇ ਰੁਮਾਲ ਬੰਨ ਕੇ ਅਤੇ ਹੱਥਾਂ ਵਿੱਚ ਹਰਿ ਦੇ ਨਿਸ਼ਾਨ ਸਾਹਿਬ ਫੜ ਕੇ ਹਜਾਰਾਂ ਸੰਗਤਾਂ ਨੇ ਚੇਤਨਾ ਮਾਰਚ ਦੀ ਰੋਣਕ ਨੂੰ ਵਧਾਇਆ | ਇਸ ਚੇਤਨਾ ਮਾਰਚ ਨੂੰ ਸਫਲ ਬਣਾਉਣ ਵਿੱਚ ਪ੍ਰਧਾਨ ਡਾ ਸਤੀਸ਼ ਸੁਮਨ, ਚੇਅਰਮੈਨ ਕਸ਼ਮੀਰੀ ਲਾਲ, ਵਾਇਸ ਪ੍ਰਧਾਨ ਯਸ਼ ਖਲਵਾੜਾ, ਜਨਰਲ ਸੈਕਟਰੀ ਯਸ਼ ਬਰਨਾ, ਪ੍ਰੈਸ ਸਕੱਤਰ ਰਜਿੰਦਰ ਕਲੇਰ, ਕੈਸ਼ੀਅਰ ਸੰਤੋਖ ਲਾਲ, ਜਿਲ੍ਹਾ ਪ੍ਰਧਾਨ ਸੋਨੀਆ ਰਾਣੀ, ਜਿਲ੍ਹਾ ਜਨਰਲ ਸੈਕਟਰੀ ਮਨਜੀਤ ਮਹਿਮੀ, ਸ਼ਹਿਰੀ ਪ੍ਰਧਾਨ ਪੰਕਜ ਬੰਗਾ, ਸੀਨੀਅਰ ਵਾਇਸ ਪ੍ਰਧਾਨ ਸ਼ਿੰਦਰ ਪਾਲ, ਜਨਰਲ ਸੈਕਟਰੀ ਸੁਰਿੰਦਰ ਕੁਮਾਰ, ਜੁਆਇੰਟ ਸੈਕਟਰੀ ਕਮਲ ਕੁਮਾਰ, ਹਰਨਾਮ ਸਿੰਘ, ਜਸਵਿੰਦਰ ਜੱਸੀ, ਕਮਲਜੀਤ ਸ਼ਾਹਕੋਟ, ਰਾਮ ਬਲਬੀਰ, ਡਾ ਵਿੱਕੀ, ਸੰਦੀਪ ਕੁਮਾਰ ਮਹਿਤਪੁਰ, ਸੰਜੀਵ ਕੁਮਾਰ ਲਾਬੜਾਂ, ਮਿੰਟੂ ਫਫਰੀਦਕੋਟ, ਦੇਵ ਨਵਾਂਸ਼ਹਿਰ, ਵਿਜੇ ਪੰਡੋਰੀ ਆਦਿ ਨੇ ਦਿਨ ਰਾਤ ਮਿਹਨਤ ਕੀਤੀ |

ਗਰੀਸ ਦੀ ਸੰਗਤ ਨੇ ਮਨਾਇਆ ਸਤਿਗੁਰਾਂ ਦਾ ਜਨਮ ਦਿਹਾੜਾ



ਰੋਹਿਤ ਕੁਮਾਰ(ਕਰੋਪੀ-ਗਰੀਸ) ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ੬੩੩ ਵੇਂ ਜਨਮ ਦਿਹਾੜੇ ਦੇ ਮੌਕੇ ਤੇ ਗਰੀਸ ਦੀ ਸੰਗਤ ਵੱਲੋਂ ਅਮ੍ਰਿਤ ਬਾਣੀ ਦੇ ਪਾਠ ਕੀਤੇ ਗਏ | ਇਸ ਮੌਕੇ ਬਹੁਤ ਸਾਰੀ ਸੰਗਤ ਗੁਰੂ ਸਾਹਿਬ ਜੀ ਦੇ ਜਨਮ ਦਿਹਾੜੇ ਤੇ ਹੁੰਮ ਹੁੰਮਾ ਕੇ ਪਹੁੰਚੀ | ਪਾਠੀ ਸ਼੍ਰੀ ਕਿਸ਼ਨ ਦਾਸ ਜੀ ਅਤੇ ਅੰਮ੍ਰਿਤ ਜੀ ਨੇ ਬਾਣੀ ਦੇ ਪਾਠ ਸਰਵਣ ਕਰਵਾਏ ਅਤੇ ਵਿਚਾਰ ਕਰਦਿਆਂ ਸੰਗਤਾਂ ਨੂੰ ਸਤਿਗੁਰੂ ਰਵਿਦਾਸ ਜੀ ਦੇ ਮਿਸ਼ਨ ਨੂੰ ਘਰ ਘਰ ਪਹੁੰਚਾਉਣ ਲਈ ਸੰਗਤ ਨੂੰ ਅਪੀਲ ਕੀਤੀ | ਉਪਰੰਤ ਮਿਸ਼ਨਰੀ ਜੱਥੇ " ਡਾ ਅੰਬੇਡਕਰ ਮਿਸ਼ਨ ਸੁਸਾਇਟੀ ਗਰੀਸ ਮਿਸ਼ਨਰੀ ਜੱਥਾ" ਸ਼ਿੰਦਾ ਰਾਣੀਪੁਰੀਆ, ਕਰਨੈਲ ਰੱਤੂ, ਬਾਲੀ, ਵਾਲੀਆ ਅਤੇ ਗੁਰੂ ਰਵਿਦਾਸ ਸਭਾ ਦੇ ਮੈਂਬਰ ਜਸਪਿੰਦਰ ਪਾਲ ਜੀ ਨੇ ਸਤਿਗੁਰਾਂ ਦੀ ਜੀਵਨੀ ਤੇ ਚਾਨਣਾ ਪਾਇਆ ਅਤੇ ਸ਼ਬਦ " ਟਾਇਮ ਆ ਗਿਆ ਬੇਗਮਪੁਰਾ ਵਸਾਉਣ ਦਾ" ਗਾ ਕੇ ਸੰਗਤਾਂ ਨੂੰ ਨਿਹਾਲ ਕੀਤਾ | ਉਪਰੰਤ ਡਾ ਅੰਬੇਡਕਰ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਸ਼ੀ ਰੂਪ ਲਾਲ ਜੀ ਨੇ ਸੰਗਤਾਂ ਅੱਗੇ ਆਪਣੇ ਵਿਚਾਰ ਰੱਖੇ | ਸਟੌਜ ਸਕੱਤਰ ਬਿੱਟੂ ਮੰਤਰੀ ਜੀ ਨੇ ਸਟੇਜ ਸੰਚਾਲਕਤਾ ਬਹੁਤ ਖੂਬੀ ਨਿਭਾਈ | ਪ੍ਰਧਾਨ ਸ਼੍ਰੀ ਅਵਤਾਰ ਸਿੰਘ ਸੋਂਧੀ ਜੀ ਨੇ ਪਹੁੰਚੀਆਂ ਸੰਗਤਾਮ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ |

ਕਨੇਡਾ ਨਿਵਾਸੀ ਸੰਗਤਾਂ ਨੇ ਕੀਤਾ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ ਦੀ" ਦਾ ਪ੍ਰਕਾਸ਼

ਕਨੇਡਾ ਟੋਰਾਂਟੋ (ਸੋਨੀਆ ਰਾਣੀ ਫਗਵਾੜਾ) -ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ 633 ਵੇ ਗੁਰਪੁਰਬ ਦੇ ਮੌਕੇ ਕਾਂਸ਼ੀ ਵਿਚ ਸਾਜੇ ਗਈ ਅਮ੍ਰਿਤ ਬਾਣੀ ਗੁਰੂ ਰਵਿਦਾਸ ਜੀ ਨੂੰ ਮੁੱਖ ਰੱਖਦਿਆ ਅੱਜ ਕਨੇਡਾ ਦੇ ਸ਼ਹਿਰ ਟੋਰਾਟੋ,ਅਤੇ ਔਨਟਾਰੀਓ ਵਿਖੇ ਵੀ ਸ਼੍ਰੀ ਗੁਰੂ ਰਵਿਦਾਸ ਪ੍ਰਬੰਧਕ ਕਮੇਟੀ ਨੇ ਵੀ ਫੈਸਲਾ ਲੇ ਕੇ ਗੁਰੂ ਰਵਿਦਾਸ ਮਹਾਰਾਜ ਜੀ ਦੀ ਬਾਣੀ ਦਾ ਪ੍ਰਕਾਸ਼ ਗੁਰੂ ਘਰ ਵਿੱਚ ਹਜਾਰਾਂ ਸੰਗਤਾਂ ਦੀ ਹਾਜਰੀ ਵਿੱਚ ਕੀਤਾ | ਗੁਰੂ ਘਰ ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਨਾਮ ਦੇ ਜੈਕਾਰਿਆ ਨਾਲ ਗੂੰਜ ਉੱਠਿਆ ,ਪ੍ਰਧਾਨ ਹਰਮੇਸ਼ ਸੋਂਧੀ ਜੀ ਤੇ ਸੁਨੀਲ ਰਾਜੂ ਵਲੋ ਸਾਰੀ ਹੀ ਸੰਗਤ ਦਾ ਧੰਨਵਾਦ ਤੇ ਵਧਾਈ ਨਾਲ ਨਿਵਾਜਿਆ | ਮਿਸ਼ਨਰੀ ਗਾਇਕ ਰਾਮ ਲੁਬਾਇਆ ਚੁੰਬਰ ਤੇ ਨਾਲ ਹੀ ਨਵੇਂ ਉੱਠ ਰਹੇ ਗਾਇਕ ਕੁਲਦੀਪ ਕੇਲੈ ਨੇ ਸ਼ਬਦ ਗਾਇਨ ਕਰਕੇ ਸਾਰੀ ਹੀ ਸੰਗਤ ਨੂੰ ਨਿਹਾਲ ਕੀਤਾ |ਇਸ ਮੌਕੇ ਨਰਿੰਦਰ ਖੇੜਾ, ਰੇਸ਼ਮ ਸ਼ੀਮਾਰ,ਅਸ਼ਵਨੀ ਵਿਰਦੀ,ਰਾਜ ਪਾਲ,ਰਾਜਪਾਲ ਬਾਗਾ, ਸ਼ਮਿੰਦਰ ਬੱਗਾ,ਰਵੀ,ਰਜਿਦਰ ਝਖੂ,ਰਾਮ ਲੁਭਾਇਆ,ਪਿਆਰਾ ਰਾਮ,ਸਰੂਪ ਬੰਗੜ,ਹਰਮੇਸ਼ ਸੋਂਧੀ,ਬਲਵਿੰਦਰ ਕੇਲੈ,ਨਸ਼ੱਤਰ ਵਿਰਦੀ,ਅਮਰੀਕ ਸੰਧੂ,ਰਾਮ ਵਿਰਦੀ,ਅਮਨਦੀਪ ਝਖੂ,ਬਹਾਦਰ ਸਿੰਘ,ਮੱਖਣ ਝਖੂ,ਦਲਵੀਰ ਦਾਸ ਰਲ,ਨਸ਼ੱਤਰ ਕਲਸੀ,ਰਵਿੰਦਰ ਹੀਰ,ਸੀਸੋ,ਕਮਲਜੀਤ ਕੌਰ,ਆਸ਼ਾ ਰਾਣੀ,ਅਨੁਸ਼ਾ,ਅੰਜਲੀ,ਮੋਹਿਤ,ਰਜਨੀ,ਗਗਨ ਕੌਰ,ਬਲਵੀਰ ਵਿਰਦੀ,ਮਨਜੀਤ ਕੌਰ,ਰਾਮ ਲੁਭਾਇਆ ਕਲਸੀ,ਨਰੇਸ਼ ਹੀਰ,ਰਾਮ ਸਰੂਪ,ਰਾਜ ਕੁਮਾਰ,ਬਲਵੀਰ ਵਿਰਦੀ, ਮਨਜੀਤ ਕੌਰ,ਨਰੇਸ਼ ਹੀਰ,ਬਾਲਵੀਰ,ਗੁਰਮੀਤ,ਜਸਵੀਰ ਵਿਰਦੀ,ਰਕੇਸ਼ ਵਿਰਦੀ,ਤੇ ਹੋਰ ਬਹੁਤ ਸਾਰੀਆ ਸੰਗਤਾ ਗੁਰੂ ਘਰ ਵਿਚ ਆਈਆ | ਉਪਰੰਤ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਹਰਮੇਸ਼ ਸੋਂਧੀ ਜੀ ਨੇ ਫੋਨ ਤੇ ਗੱਲਬਾਤ ਕਰਦਿਆਂ ਕਿਹਾ ਕਿ ਅੱਜ ਬਹੁਤ ਹੀ ਖੁਸ਼ੀ ਵਾਲਾ ਦਿਨ ਹੈ ਕਿਉਂਕਿ ਕੌਮ ਨੂੰ ਜੋ ਸੇਧ ਸੱਚਖੰਡ ਬੱਲਾਂ ਦੇ ਰਿਹਾ ਹੈ ਉਹ ਕੌਮ ਨੂੰ ਤਰੱਕੀ ਵੱਲ ਲੈ ਕੇ ਜਾਏਗਾ | ਉਨ੍ਹਾਂ ਕਿਹਾ ਕਿ ਸਮੇਂ ਨੂੰ ਮੁੱਖ ਰੱਖਦਿਆਂ ਇਹ ਬਹੁਤ ਹੀ ਵਧਿਆ ਫੈਸਲਾ ਹੈ | ਉਨ੍ਹਾਂ ਕਿਹਾ ਕਿ ਅਗਰ ਕਿਸੇ ਵੀ ਇਨਸਾਨ ਨੂੰ ਕਿਸੇ ਵੀ ਧਰਮ ਦੇ ਲੋਕਾਂ ਵੱਲੋਂ ਕੋਈ ਤੰਗੀ ਦਿੱਤੀ ਜਾਂਦੀ ਹੈ ਤਾਂ ਕਨੇਡਾ ਪ੍ਰਬੰਧਕ ਕਮੇਟੀ ਉਸ ਦੀ ਮਦਦ ਲਈ ਹਮੇਸ਼ਾ ਹੀ ਤਿਆਰ ਰਹੇਗੀ | ਉਨ੍ਹਾਂ ਕਿਹਾ ਕਿ ਕੋਈ ਇਨਸਾਨ ਵੀ ਜੀਅ ਚਾਹ ਕੇ ਰਵਿਦਾਸੀਆ ਧਰਮ ਨੂੰ ਅਪਨਾ ਸਕਦਾ ਹੈ | ਅੰਤ ਵਿੱਚ ਉਨ੍ਹਾਂ ਰਵਿਦਾਸੀਆ ਕੌਮ ਨੂੰ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ 633 ਵੇ ਗੁਰਪੁਰਬ ਦੀ ਅਤੇ ਨਵੇਂ ਪੰਥ ਦੀ ਵਧਾਈ ਦਿੱਤੀ |

"ਗੱਭਰੂ ਸ਼ੇਰ ਚਮਾਰਾਂ ਦੇ" ਨੇ ਪਾਈਆਂ ਧੂਮਾਂ

ਫਗਵਾੜਾ 3 ਫਰਵਰੀ(ਸੋਨੀਆ ਰਾਣੀ) ਹੁਣੇ ਹੁਣੇ ਮਾਰਕੀਟ ਵਿੱਚ ਚੱਲ ਰਹੀ ਕੈਸੇਟ " ਗੱਭਰੂ ਸ਼ੇਰ ਚਮਾਰਾਂ ਦੇ " ਦੀ ਬਹੁਤ ਹੀ ਚਰਚਾ ਚੱਲ ਰਹੀ ਹੈ | ਇਸ ਕੈਸੇਟ ਦੇ ਗਾਇਕ ਜੇ ਐਚ ਤਾਜਪੁਰੀ ਅਤੇ ਪੇਸ਼ਕਾਰ ਸ਼੍ਰੀ ਨਰਿੰਦਰ ਖੇੜਾ ਜੀ ਦੇ ਉਪਰਾਲੇ ਸਦਕਾਂ ਇਹ ਕੈਸੇਟ ਮਾਰਕੀਟ ਵਿੱਚ ਆਈ | ਮਾਰਕੀਟ ਵਿੱਚ ਇਹ ਕੈਸੇਟ ਬਹਤ ਹੀ ਧੁੰਮਾ ਪਾ ਰਹੀ ਹੈ | ਇਹ ਸਾਰੀ ਮਿਹਨਤ ਲਈ ਪੇਸ਼ਕਾਰ ਅਤੇ ਗਾਇਕ ਵਧਾਈ ਦੇ ਪਾਤਿਰ ਹਨ | ਇਸ ਕੈਸੇਟ ਦੇ ਸਾਰੇ ਗੀਤ ਹੀ ਨੌਜਵਾਨ ਪੀੜੀ ਦੇ ਮੁੰਡੇ ਕੁੜੀਆਂ ਦੇ ਹੌਸਲੇਂ ਵਧਾਉਣ ਵਾਲੇ ਹਨ ਜੋ ਕਿ ਕੌਮ ਦੇ ਲੋਕਾਂ ਵਿੱਚ ਜੋਸ਼ ਭਰਦੇ ਹਨ | ਗੁਰੂ ਰਵਿਦਾਸ ਫੋਰਸ ਵੱਲੋਂ ਪੈਸਕਾਰ ਨਰਿੰਦਰ ਖੇੜਾ, ਗਾਇਕ ਜੇ ਐਚ ਤਾਜਪੁਰੀ ਅਤੇ ਐਸ ਐਮ ਕਾਰਡ ਕੰਪਨੀ ਨੂੰ ਵਧਾਈ ਦਿੱਤੀ ਜਾਂਦੀ ਹੈ |

ਭਾਰਤ ਵਿੱਚ ਹਰੇਕ ਨੂੰ ਧਾਰਮਿਕ ਆਜਾਦੀ ਨਾਲ ਜਿਉਣ ਦਾ ਹੱਕ

ਫਗਵਾੜਾ-2 ਫਰਵਰੀ(ਸੋਨੀਆ ਰਾਣੀ) ਡੇਰਾ ਸੱਚਖੰਡ ਬੱਲਾਂ ਵੱਲੋਂ ਜੋ ਪੂਰੀ ਦੁਨੀਆ ਅਰੇ ਸਤਿਗੁਰੂ ਰਵਿਦਾਸ ਨਾਮਲੇਵਾ ਸੰਗਤਾਂ ਨੂੰ ਨਾਲ ਲੈ ਕੇ ਸਮੁੱਚੀ ਕੌਮ ਦੀ ਧਾਰਮਿਕ ਆਜਾਦੀ ਵਾਸਤੇ "ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ ਦੀ" ਧਾਰਮਿਕ ਗ੍ਰੰਥ ਕੌਮ ਨੂੰ ਦਿੱਤਾ ਹੈ ਉਹ ਚਾਹੇ ਦੇਰ ਨਾਲ ਹੀ ਸਹੀ ਪਾਰ ਫੈਸਲਾ ਬਿਲਕੁੱਲ ਸਹੀ ਹੈ | ਇਹ ਫੈਸਲਾ ਬਾਬਾ ਸਾਹਿਬ ਡਾ ਭੀਮ ਰਾਓ ਅੰਬੇਡਕਰ ਜੀ ਦੇ ਵੇਲੇ ਹੀ ਹੋ ਜਾਣਾ ਚਾਹੀਦਾ ਸੀ | ਇਸ ਧਾਰਮਿਕ ਗ੍ਰੰਥ ਦਾ ਗੁਰੂ ਰਵਿਦਾਸ ਫੋਰਸ ਭਰਪੂਰ ਸਮਰਥਨ ਕਰਦੀ ਹੈ | ਪ੍ਰੈਸ ਨੋਟ ਜਾਰੀ ਕਰਦਿਆਂ ਫੋਰਸ ਦੇ ਪ੍ਰਧਾਨ ਡਾ ਸ਼੍ਰੀ ਸਤੀਸ਼ ਸੁਮਨ ਜੀ ਨੇ ਸਮੂਹ ਗੁਰੂ ਰਵਿਦਾਸ ਨਾਮਲੇਵਾ ਸੰਗਤ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਗੁਰੂ ਘਰਾਂ ਵਿੱਚ ਅਮ੍ਰਿਤ ਬਾਣੀ ਸਤਿਗੁਰੂ ਰਵਿਦਾਸ ਜੀ ਦੀ ਦਾ ਪ੍ਰਕਾਸ਼ ਕਰਨ ਅਤੇ ਹਰ ਇੱਕ ਧਰਮ ਅਤੇ ਧਾਰਮਿਕ ਗ੍ਰੰਥ ਦਾ ਸਤਿਕਾਰ ਕਰਨ | ਭਾਰਤੀ ਸੰਵਿਧਾਨ ਅੰਦਰ ਹਰ ਇੱਕ ਇਨਸਾਨ ਨੂੰ ਧਾਰਮਿਕ ਆਜਾਦੀ ਨਾਲ ਜਿਉਣ ਦਾ ਹੱਕ ਹੈ ਅਤੇ ਉਹ ਕਿਸੇ ਵੀ ਧਰਮ ਨੂੰ ਅਪਣਾ ਸਕਦੇ ਹਨ | ਉਨ੍ਹਾਂ ਕਿਹਾ ਕਿ ਅਗਰ ਅੱਜ ਰਵਿਦਾਸੀਆ ਕੌਮ ਆਪਣੀ ਵੱਖਰੀ ਪਹਿਚਾਣ ਬਣਾਉਣਾ ਚਾਹੁੰਦਾ ਹੈ ਤਾਂ ਕਿਸੇ ਨੂੰ ਵੀ ਕੋਈ ਇਤਰਾਜ ਨਹੀਂ ਹੋਣਾ ਚਾਹੀਦਾ | ਇਸ ਮੌਕੇ ਕਸ਼ਮੀਰੀ ਲਾਲ ਸਰਪੰਚ, ਡਾ ਰਜਿੰਦਰ ਕਲੇਰ, ਸੋਨੀਆ ਸੂਦ, ਮਨਜੀਤ ਮਹਿਮੀ, ਹਰਨਾਮ, ਮੰਗਾ ਪੰਡੋਰੀ ਆਦਿ ਹਾਜਿਰ ਸਨ |

ਸਤਿਗੁਰਾਂ ਦਾ ਜਨਮ ਦਿਹਾੜਾ ਕਨੇਡਾ ਚ' ਮਨਾਇਆ ਗਿਆ

30 ਜਨਵਰੀ(ਸੋਨੀਆ ਰਾਣੀ) ਟਰੋਨਟੋ, ਅੰਨਤਾਰੀਓ ਕਨੇਡਾ- ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ 633 ਵੇਂ ਜਨਮ ਦਿਹਾੜੇ ਤੇ ਕਨੇਡਾ ਨਿਵਾਸੀ ਰਵਿਦਾਸੀਆ ਨਾਮਲੇਵਾ ਸੰਗਤਾਂ ਵੱਲੋਂ ਗੁਰਪੁਰਬ ਬਹੁਤ ਹੀ ਸ਼ਰਧਾ ਨਾਲ ਮਨਾਇਆ ਗਿਆ | ਇਸ ਮੌਕੇ ਕੌਮ ਦੇ ਮਹਾਨ ਸ਼ਹੀਦ ਸੰਤ ਰਾਮਾਨੰਦ ਜੀ ਦਾ ਬਹੁਤ ਵੱਡਾ ਸਰੂਪ ਗੁਰੂ ਘਰ ਵਿੱਚ ਸ਼ੁਸ਼ੋਬਿਤ ਕੀਤਾ ਗਿਆ ਅਤੇ ਸਤਿਗੁਰਾਂ ਦੀ ਬਾਣੀ ਦੇ ਭੋਗ ਪਾਏ ਗਏ | ਕੌਮੀ ਨਿਸ਼ਾਨ "ਹਰਿ" ਦੇ ਨਿਸ਼ਾਨ ਸਾਹਿਬ ਝੂਲਾਏ ਗਏ ਜੋ ਕੀ ਜੁੱਗਾਂ ਜੁੱਗਾਂ ਤੋਂ ਝੁੱਲਦੇ ਆ ਰਹੇ ਹਨ | ਕੀਰਤਨੀ ਜੱਥਿਆਂ ਵੱਲੋਂ ਸਤਿਗੁਰਾਂ ਦੀ ਬਾਣੀ ਦਾ ਬਹੁਤ ਹੀ ਵਧੀਆਂ ਕੀਰਤਨ ਕਰ ਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ |ਦੇ ਜਨਮ ਦਿਹਾੜੇ ਦੀ ਖੁਸ਼ੀ ਵਿੱਚ ਲਗਭਗ ੨੫੦੦ ਲੋਕ ਇਕੱਠੇ ਹੋਏ ਸਨ | ਸਤਿਗੁਰੂ ਰਵਿਦਾਸ ਜੀ ਅਤੇ ਸ਼ਹੀਦ ਸੰਤ ਰਾਮਾਨੰਦ ਜੀ ਦੇ ਜੈਕਾਰਿਆਂ ਨਾਲ ਸਾਰਾ ਦਰਬਾਰ ਗੂੰਜ ਰਿਹਾ ਸੀ | ਇਸ ਮੌਕੇ ਮੁੱਖ ਮਹਿਮਾਨ ਸ਼੍ਰੀ ਹਰਮੇਸ਼ ਸੋਧੀਂ, ਕਮੇਟੀ ਸਲਾਹਕਾਰ ਸ਼੍ਰੀ ਨਰਿੰਦਰ ਖੇੜਾ, ਸ਼੍ਰੀ ਰਾਮ ਪਾਲ, ਸ਼੍ਰੀ ਦੇਸ ਰਾਜ, ਸ਼੍ਰੀ ਸੁਨੀਲ ਰਾਜ, ਸ਼੍ਰੀ ਗਿਆਨ ਚੰਦ, ਸ਼੍ਰੀ ਰਾਜ ਪਾਲ, ਸ਼੍ਰੀ ਕੁਲਵਿੰਦਰ ਕੈਲੇ, ਸ਼੍ਰੀ ਨਰੇਸ਼ ਲਗਾਹ, ਸ਼੍ਰੀ ਰੇਸ਼ਮ ਸ਼ਿਮਾਰ, ਸ਼੍ਰੀ ਬਲਜੀਤ ਫਿਲੌਰ, ਸ਼੍ਰੀ ਕਸ਼ਮੀਰ ਸਿੰਘ ਆਦਿ ਹਾਜਿਰ ਸਨ |

ਰਵਿਦਾਸੀਆ ਕੌਮ ਵੱਲੋਂ ਗਿਆਨ ਦ ਦਾ ਵਿਰੋਧ

ਧਰਮ ਬਚਾਓ ਮੋਰਚਾ ਦੇ ਪ੍ਰਧਾਨ ਨੇ ਕੀਤਾ ਸੀ "ਅਮ੍ਰਿਤਬਾਣੀ ਸਤਿਗੁਰੂ ਰਵਿਦਾਸ ਜੀ ਦੀ" ਦਾ ਵਿਰੋਧ

1 ਫਰਵਰੀ(ਸੋਨੀਆ ਰਾਣੀ) 31 ਜਨਵਰੀ ਨੂੰ ਸੀਰਗੋਵਰਧਨਪੁਰ ਕਾਂਸ਼ੀ ਵਿਖੇ ਸਤਿਗੁਰ ਰਵਿਦਾਸ ਜੀ ਮਹਾਰਾਜ ਜੀ ਦੇ 633 ਵੇਂ ਜਨਮ ਦਿਹਾੜੇ ਦੇ ਮੌਕੇ ਤੇ ਰਵਿਦਾਸੀਆ ਕੌਮ ਵੱਲੋਂ ਵੱਖਰੇ ਪੰਥ, ਵੱਖਰੇ ਗ੍ਰੰਥ ਦਾ ਐਲਾਨ ਕੀਤਾ ਗਿਆ ਜਿਸ ਦੇ ਵਿਰੋਧ ਵਿੱਚ ਧਰਮ ਬਚਾਓ ਮੋਰਚਾ ਦੇ ਪ੍ਰਧਾਨ ਗਿਆਨ ਚੰਦ ਨੇ ਜਲੰਧਰ ਵਿੱਚ ਪ੍ਰੈਸ ਕਾਨਫੈਰੰਸ ਕਰਦਿਆਂ ਕੌਮ ਬਾਰੇ ਬਹੁਤ ਹੀ ਮੰਦਭਾਗੇ ਸ਼ਬਦ ਬੋਲੇ | ਸੂਦ ਨੇ ਕਿਹਾ ਕਿ ਰਵਿਦਾਸੀਆ ਕੇਮ ਨੇ ਵੱਖਰਾ ਗ੍ਰੰਥ ਤਿਆਰ ਕਰ ਕੇ ਚੰਗਾ ਨਹੀਂ ਕੀਤਾ ਤੇ ਅਸੀਂ ਸਮਾਜ ਬਚਾਓ ਮੋਰਚਾ ਦੇ ਹਮਾਇਤ ਵੱਖਰੇ ਗ੍ਰੰਥ ਦਾ ਵਿਰੋਧ ਕਰਦੇ ਹਾਂ | ਗਿਆਨ ਚੰਦ ਦੇ ਬਿਆਨਾ ਦਾ ਤਿੱਖਾ ਵਿਰੋਧ ਕਰਦਿਆ ਬਹੁਤ ਸਾਰੀਆਂ ਰਵਿਦਾਸੀਆਂ ਜੱਥੇਬੰਦੀਆਂ ਨੇ ਡਟ ਕੇ ਸੂਦ ਵਿਰੋਧ ਕੀਤਾ ਅਤੇਜਮ ਕੇ ਨਾਅਰੇਬਾਜੀ ਕੀਤੀ |ਜਿਸ ਕਾਰਨ ਗਿਆਨ ਚੰਦ ਤੇ ਉਸ ਦੇ ਸਾਥੀਆਂ ਨੂੰ ਕਾਫੀ ਦੇਰ ਤੱਕ ਪ੍ਰੈਸ ਹਾਲ ਵਿੱਚ ਹੀ ਰਹਿਣਾ ਪਿਆ |

ਬੇਗਮਪੁਰੇ ਦੇ ਮਾਹੀ ਦਾ ਜਨਮ ਦਿਹਾੜਾ ਪੂਰੇ ਪੰਜਾਬ ਚ' ਮਨਾਇਆ ਗਿਆ

29 ਜਨਵਰੀ(ਸੋਨੀਆ ਰਾਣੀ) ਜਲੰਧਰ- ਸਾਹਿਬ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ 633 ਪ੍ਰਕਾਸ਼ ਪੁਰਬ ਦੇ ਮੌਕੇ ਤੇ ਦੁਨੀਆ ਭਰ ਵਿੱਚ ਗੁਰਪੁਰਬ ਮਨਾਏ ਗਏ | ਇਸੇ ਤਰ੍ਹਾਂ ਦੁਆਬੇ ਦੇ ਸ਼ਹਿਰ ਜਲੰਧਰ ਵਿੱਚ ਵੀ ਸਤਿਗੁਰਾਂ ਦੇ ਜਨਮ ਪੁਰਬ ਦੀ ਖੁਸ਼ੀ ਵਿੱਚ ਵਿਸ਼ਾਲ ਸ਼ੋਭਾ ਯਾਤਰਾ ਦਾ ਆਯੋਜਨ ਕੀਤਾ ਗਿਆ | ਇਹ ਵਿਸ਼ਾਲ ਸ਼ੋਭਾ ਯਾਤਰਾ ਦਾ ਆਰੰਭ ਨਕੋਦਰ ਚੌਂਕ ਤੋਂ ਹੋਇਆ ਜਿਸ ਵਿੱਚ 45 ਪਿੰਡਾ ਨੇ ਹਿੱਸਾ ਲਿਆ | ਇਹ ਸ਼ੋਭਾ ਯਾਤਰਾ ਸ਼ਹਿਰ ਦੇ ਮੁੱਖ ਬਜਾਰਾਂ ਵਿੱਚੋਂ ਦੀ ਹੁੰਦੀ ਹੋਈ ਜੋਤੀ ਚੌਂਕ ਵਿੱਚ ਪੁੱਜੀ, ਜਿੱਥੇ ਸੰਗਤ ਦੀ ਗਿਣਤੀ ਹਜਾਰਾਂ ਦੇ ਹਿਸਾਬ ਨਾਲ ਪਾਈ ਗਈ | ਜਿਕਰਯੋਗ ਹੈ ਸੰਗਤ ਦੀ ਗਿਣਤੀ ਪਿਛਲੇ ਸਾਲਾਂ ਨਾਲੋ ਦੁੱਗਣੀ ਤਿੱਗਣੀ ਪਾਈ ਗਈ ਹੈ | ਸਾਰਾ ਹੀ ਜਲੰਧਰ ਸ਼ਹਿਰ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਜੈਕਾਰਿਆਂ ਨਾਲ ਗੂੰਜ ਰਿਹਾ ਸੀ |
ਫਗਵਾੜਾ-ਇਸੇ ਤਰ੍ਹਾਂ ਸਤਿਗੁਰਾਂ ਦੀ ਜਨਮ ਪੁਰਬ ਦੀ ਖੁਸ਼ੀ ਵਿੱਚ ਫਗਵਾੜਾ ਸ਼ਹਿਰ ਵਿੱਚ ਵੀ ਵਿਸ਼ਾਲ ਸ਼ੋਭਾ ਯਾਤਰਾ ਦਾ ਆਯੋਜਨ ਕੀਤਾ ਗਿਆ | ਜੋ ਕਿ ਹਰ ਸਾਲ ਦੀ ਤਰ੍ਹਾਂ ਦੁਪਹਿਰ 12:30 ਵਜੇ ਸਤਿਗੁਰੂ ਰਵਿਦਾਸ ਮਹਾਰਾਜ ਜੀ ਦੀ ਚਰਨ ਛੋਹ ਪ੍ਰਾਪਤ ਧਰਤੀ ਚੱਕ ਹਕੀਮ ਤੋਂ ਸ਼ੁਰੂ ਹੋਇਆ | ਇਸ ਸ਼ੋਭਾ ਯਾਤਰਾ ਵਿੱਚ ਲਗਭਗ 30-35 ਪਿੰਡਾਂ ਨੇ ਹਿੱਸਾ ਲਿਆ | ਸ਼ੋਭਾ ਯਾਤਰਾ ਜੀ ਟੀ ਰੋਡ ਤੋਂ ਗੋਲ ਚੌਂਕ, ਫਿਰ ਲੁਧਿਆਣਾ ਰੋਡ ਤੋਂ ਹੁੰਦਾ ਹੋਇਆ ਬੰਗਾ ਰੋਡ ਤੇ ਅੰਤ ਵਿੱਚ ਗਊਸ਼ਾਲਾ ਰੋਡ ਤੋਂ ਹੁੰਦਾ ਹੋਇਆ ਵਾਪਿਸ ਪਰਤ ਆਇਆ | ਇਸ ਵਿਸ਼ਾਲ ਸ਼ੋਭਾ ਯਾਤਰਾ ਵਿੱਚ ਸੰਗਤ ਦੀ ਗਿਣਤੀ 65-70 ਹਜਾਰ ਦੇ ਕਰੀਬ ਮੰਨੀ ਗਈ | ਏਨਾ ਵੱਡਾ ਇਕੱਠ ਵੇਖ ਕੇ ਕੌਮ ਨੂੰ ਬਹੁਤ ਹੀ ਭਰਵਾਂ ਹੁੰਗਾਰਾ ਮਿਲਿਆ | ਪੂਰਾ ਸ਼ਹਿਰ ਸਤਿਗੁਰੂ ਰਵਿਦਾਸ ਜੀ ਅਤੇ ਸ਼ਹੀਦ ਸੰਤ ਰਾਮਾਨੰਦ ਜੀ ਮਹਾਰਾਜ ਦੇ ਜੈਕਾਰਿਆ ਨਾਲ ਗੂੰਜ ਰਿਹਾ ਸੀ | ਪੂਰੇ ਇਲਾਕੇ ਨੇ ਸ਼ੋਭਾ ਯਾਤਰਾ ਦਾ ਬਹੁਤ ਹੀ ਨਿੱਘੇ ਦਿਲੋਂ ਸਵਾਗਤ ਕੀਤਾ ਅਤੇ ਸੰਗਤ ਨੇ ਬੇਗਮਪੁਰਾ ਵਸਾਉਣ ਦਸ ਪ੍ਰਣ ਲਿਆ | ਅੰਤ ਵਿੱਚ ਸੰਗਤ ਦਾ ਇਕੱਠ ਵਾਪਿਸ ਆਪੋ ਆਪਣੇ ਪਿੰਡਾ ਵਿੱਚ ਜੈਕਾਰੇ ਲਾਉਂਦਾ ਹੋਇਆ ਪਰਤ ਗਿਆ | ਇਸ ਮੌਕੇ ਗੁਰੂ ਕੇ ਅਤੁੱਟ ਲੰਗਰ ਵੀ ਵਰਤਾਏ ਗਏ |
ਲੁਧਿਆਣਾ- ਮਾਲਵੇ ਦੇ ਇਸ ਸ਼ਹਿਰ ਵਿੱਚ ਵੀ ਸਤਿਗੁਰਾਂ ਦੇ ਜਨਮ ਪੁਰਬ ਦੀ ਖੁਸ਼ੀ ਵਿੱਚ ਵਿਸ਼ਾਲ ਸ਼ੋਭਾ ਯਾਤਰਾ ਦਾ ਆਯੋਜਨ ਕੀਤਾ ਗਿਆ | ਇਸ ਮੌਕੇ ਹਰੀਸ਼ ਰਾਇ ਟਾਡਾ ਚੀਫ ਪਾਰਲੀਮੈਂਟ ਸੈਕਟਰੀ ਵੀ ਪਹੁੰਚੇ ਹੋਏ ਸਨ | ਸ਼ੋਭਾ ਯਾਤਰਾ ਦੀ ਸ਼ੁਰੂਆਤ ਬਸਤੀ ਜੋਧੇਵਾਲ ਤੋਂ ਕੀਤੀ ਗਈ ਜਿਸ ਵਿੱਚ ਆਲੇ ਦੁਆਲੇ ਦੇ ਬਹੁਤ ਸਾਰੇ ਪਿੰਡਾਂ ਤੋਂ ਸੰਗਤ ਹੁੰਮ ਹੁੰਮਾ ਕੇ ਪਹੁੰਚੀ ਹੋਈ ਸੀ | ਸ਼ੋਭਾ ਯਾਤਰਾ ਬਸਤੀ ਜੋਧੇਵਾਲ ਤੋਂ ਹੁੰਦੀ ਹੋਈ ਮਾਧੋਪੁਰੀ ਚੌਂਕ, 3 ਡਵੀਜਨ ਘੰਟਾ ਘਰ, ਚੌੜਾ ਬਜਾਰ ਤੋਂ ਹੁੰਦਾ ਹੋਇਆ ਵਾਪਿਸ ਬਸਤੀ ਜੋਧੇਵਾਲ ਚ' ਸਮਾਪਤ ਹੋਇਆ | ਇਸ ਸ਼ੋਭਾ ਯਾਤਰਾ ਵਿੱਚ ਨਵੀਂ ਪੀੜੀ ਵਿੱਚ ਕੌਮ ਪ੍ਰਤੀ ਕਾਫੀ ਉਤਸ਼ਾਹ ਦੇਖਿਆ ਗਿਆ | ਇਸ ਵਿਸ਼ਾਲ ਸ਼ੋਭਾ ਯਾਤਰਾ ਵਿੱਚ 80-85 ਹਜਾਰ ਲੋਕ ਪਹੁੰਚੇ ਹੋਏ ਸਨ | ਸ਼ਹਿਰ ਨਿਵਾਸੀਆਂ ਵੱਲੋਂ ਸ਼ੋਭਾ ਯਾਤਰਾ ਦਾ ਨਿੱਘਾ ਸਵਾਗਤ ਕੀਤਾ ਗਿਆ | ਗੁਰੂ ਕੇ ਅਤੁੱਟ ਲੰਗਰ ਵੀ ਵਰਤਾਏ ਗਏ |
ਬੂਟਾ ਮੰਡੀ- ਦੁਆਬੇ ਦੇ ਇਸ ਸ਼ਹਿਰ ਵਿੱਚ ਵੀ 30 ਜਨਵਰੀ ਨੂੰ ਸਤਿਗੁਰਾਂ ਦਾ ਜਨਮ ਪੁਰਬ ਬੜੀ ਸ਼ਰਧਾ ਪੂਰਵਕ ਮਨਾਇਆ ਗਿਆ | ਇਸ ਮੌਕੇ ਸੇਠ ਸੱਤਪਾਲ ਮੱਲ ਨੇ ਕੌਮ ਨੂੰ ਜਾਗਰਿਤ ਹੋਣ ਲਈ ਕਿਹਾ ਤੇ ਕੌਮ ਪ੍ਰਤੀ ਸੰਘਰਸ਼ ਕਰਨ ਦੀ ਅਪੀਲ ਕੀਤੀ | ਇਸ ਮੌਕੇ ਵਿਸ਼ਾਲ ਪੰਡਾਲ ਸਜਾਏ ਗਏ ਜਿਸ ਵਿੱਚ ਲੱਖਾਂ ਦੇ ਹਿਸਾਬ ਨਾਲ ਸੰਗਤ ਨੇ ਹਾਜਰੀ ਲਗਵਾਈ | ਇਸ ਮੌਕੇ ਤੇ ਪੰਜਾਬ ਦੇ ਪ੍ਰਸਿੱਧ ਗਾਇਕ ਕਲੇਰ ਕੰਠ, ਅਮਰ ਅਰਸ਼ੀ ਅਤੇ ਲਖਵਿੰਦਰ ਲੱਕੀ ਨੇ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੇ ਮਿਸ਼ਨ ਬਾਰੇ ਰਚਨਾਵਾਂ ਗਾ ਕੇ ਸੰਗਤਾ ਨੂੰ ਨਿਹਾਲ ਕੀਤਾ | ਹਰ ਇਕ ਗਾਇਕ ਨੇ ਆਪਣੀਆਂ ਰਚਨਾਵਾਂ ਰਾਹੀਂ ਕੌਮ ਨੂੰ ਇੱਕਮੁੱਠ ਹੋ ਕੇ ਰਹਿਣ ਦਾ ਸੰਦੇਸ਼ ਦਿਤਾ ਅਤੇ ਮਿਸ਼ਨ ਦਾ ਪ੍ਰਚਾਰ ਕਰਨ ਵਾਸਤੇ ਸੰਗਤ ਨੂੰ ਪ੍ਰੇਰਿਆ | ਰਾਤ 3 ਵਜੇ ਤੱਕ ਸਤਿਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦਾ ਗੁਣਗਾਨ ਚਲਦਾ ਰਿਹਾ | ਅਤੇ ਚਾਹ ਦਾ ਲੰਗਰ ਸਾਰੀ ਰਾਤ ਸੰਗਤ ਵਾਸਤੇ ਚੱਲਦਾ ਰਿਹਾ |

ਮਿਸ ਪੂਜਾ ਦੀ "ਬੇਗਮਪੁਰਾ ਵਸਾਉਣਾ" ਨੇ ਵਿਕਰੀ ਦੇ ਸਾਰੇ ਰਿਕਾਰਡ ਤੋੜੇ, ਵੀਡੀਓ ਸੀ.ਡੀ ਵੀ ਰਿਲੀਜ

ਜਲੰਧਰ 20 ਜਨਵਰੀ(ਸੋਮ) ਪ੍ਰਸਿੱਧ ਗਾਇਕਾ ਮਿਸ ਪੂਜਾ ਦੀ ਨਵੀਂ ਆਈ ਸ਼੍ਰੀ ਗੁਰੂ ਰਵਿਦਾਸ ਜੀ ਦੀ ਕੈਸੇਟ ਬੇਗਮਪੁਰਾ ਵਸਾਉਣਾ ਦੀ ਵੀਡੀਓ ਸੀ.ਡੀ ਤੇ ਡੀ.ਵੀ.ਡੀ ਅੱਜ ਟੀ-ਸੀਰੀਜ ਕੰਪਨੀ ਵੱਲੋਂ ਰਿਲੀਜ ਕਰ ਦਿੱਤੀ ਗਈ ਹੈ | ਉਕਤ ਜਾਣਕਾਰੀ ਦਿੰਦਿਆ ਕੰਪਨੀ ਦੇ ਡਵੀਜਨਲ ਮੈਨੇਜਰ ਮਨੀਸ਼ ਧੰਮੇਜਾ ਤੇ ਕੈਸੇਟ ਦੇ ਪੇਸ਼ਕਾਰ ਐਚ.ਐਸ.ਪ੍ਰੀਤ ਨੇ ਕਿਹਾ ਕਿ ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੀ ਕੈਸੇਟ ਐਨੀ ਤੇਜੀ ਨਾਲ ਵਿਕੀ ਹੋਵੇ | ਸਰੋਤਿਆਂ ਵੱਲੋਂ ਇਸ ਕੈਸੇਟ ਤੇ ਸੀ.ਡੀ ਨੂੰ ਏਨਾ ਭਰਵਾਂ ਹੁੰਗਾਰਾ ਦਿੱਤਾ ਗਿਆ ਹੈ ਜਿਸ ਕੰਪਨੀ ਨੂੰ ਵੀ ਏਨੀ ਉਮੀਦ ਨਹੀਂ ਸੀ ਜਿਸ ਨਾਲ ਅੱਜ ਤੱਕ ਦੇ ਵਿਕਰੀ ਦੇ ਸਾਰੇ ਰਿਕਾਰਡ ਟੁੱਟ ਗਏ ਹਨ | ਧੰਮੇਜਾ ਨੇ ਕਿਹਾ ਕਿ ਇਸ ਕੈਸੇਟ ਨੂੰ ਪੂਰੀ ਦੁਨੀਆ ਵਿੱਚ ਬੇਹੱਦ ਪਸੰਦ ਕੀਤਾ ਜਾ ਰਿਹਾ ਹੈ ਤੇ ਕੈਸੇਟ ਤੇ ਸੀ.ਡੀ ਦੀ ਮੰਗ ਦਿਨ ਪ੍ਰਤੀ ਦਿਨ ਹੋਰ ਵੱਧਦੀ ਜਾ ਰਹੀ ਹੈ | ਇਸ ਕੈਸੇਟ ਦੀ ਜਬਰਦਸਤੀ ਸਫਲਤਾ ਲਈ ਮਿਸ ਪੂਜਾ, ਐਚ.ਐਸ ਪ੍ਰੀਤ, ਗੀਤਕਾਰ ਬਲਵਿੰਦਰ ਭੌਰਾ ਯੂ ਐਸ ਏ, ਸੰਗੀਤਕਾਰ ਜੱਸੀ ਬ੍ਰਦਰਜ ਤੇ ਵੀਡੀਓ ਨਿਰਦੇਸ਼ਕ ਬਾਬਾ ਕਮਲ ਨੇ ਸਰੋਤਿਆਂ ਦਾ ਧੰਨਵਾਦ ਕੀਤਾ |

ਧੰਨਵਾਦ ਸਹਿਤ -ਜਗ ਬਾਣੀ

ਗੁਰੂ ਰਵਿਦਾਸ ਫੋਰਸ ਦੇ ਪ੍ਰਧਾਨ ਤੇ ਜਾਨਲੇਵਾ ਹਮਲਾ ਫਗਵਾੜੇ ਦੇ ਜਿੰਮ ਦਾ ਮਾਲਕ ਅਜੀਤ ਸਿੰਘ ਸੋਨੂੰ ਦੋਸ਼ੀ

ਫਗਵਾੜਾ19-01(ਸੋਨੀਆ ਰਾਣੀ) ਬੀਤੇ ਸ਼ਨੀਵਾਰ ਫਗਵਾੜੇ ਦੇ ਨੇੜਲੇ ਪਿੰਡ ਰਹਾਣਾ ਜੱਟਾਂ ਵਿਖੇ ਬਲਵੀਰ ਪੈਲੇਸ ਵਿੱਚ ਇੱਕ ਪਾਰਟੀ ਦੌਰਾਨ ਗੋਲੀ ਚਲਾ ਕੇ ਗੁਰੂ ਰਵਿਦਾਸ ਫੋਰਸ ਦੇ ਪ੍ਰਧਾਨ ਸ਼੍ਰੀ ਸਤੀਸ਼ ਸੁਮਨ ਨੂੰ ਜਖਮੀ ਕੀਤਾ ਗਿਆ | ਇਸ ਪਾਰਟੀ ਵਿੱਚ ਸ਼੍ਰੀ ਸਤੀਸ਼ ਸੁਮਨ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਖੁਸ਼ੀ ਜਾਹਿਰ ਕਰਦਿਆ ਐਸ ਐਸ ਆਜਾਦ ਦਾ ਗੀਤ " ਰਵਿਦਾਸ ਗੁਰਾ ਨੇ ਗੁੜਤੀ ਦਿੱਤੀ ਅਣਖ ਨਾਲ ਜੀਣੇ ਦੀ , ਨਹੀਂ ਕਦਰ ਕੋਈ ਵੀ ਹੁੰਦੀ ਜੱਗ ਤੇ ਬੰਦੇ ਹੀਣੇ ਦੀ "ਲਗਵਾਇਆ | ਇਸ ਗੀਤ ਨੂੰ ਬਰਦਾਸ਼ਤ ਨਾ ਕਰਦਿਆ ਫਗਵਾੜਾ ਦੇ ਜਿਮ ਮਾਲਕ ਅਜੀਤ ਸਿੰਘ ਸੋਨੂੰ ਨੇ ਬੰਦ ਕਰਵਾ ਦਿੱਤਾ | ਨਾਲ ਹੀ ਸਤੀਸ਼ ਸੁਮਨ ਜੀ ਦੇ ਸਾਥੀਆਂ ਨੇ ਬੀਬੇ ਪੁੱਤ ਚਮਾਰਾਂ ਦੇ ਗੀਤ ਲਗਵਾ ਦਿੱਤਾ ਅਤੇ ਸੁਣਦੇ ਸਾਰ ਹੀ ਅਜੀਤ ਸਿੰਘ ਅਤੇ ਉੁਸ ਦੇ ਸਾਥੀਆਂ ਨੇ ਸ਼੍ਰੀ ਸਤੀਸ਼ ਸੁਮਨ ਜੀ ਉੁੱਤੇ ਗੋਲੀ ਚਲਾਉਣੀ ਸ਼ੁਰੂ ਕਰ ਦਿੱਤੀ | ਜਿਨ੍ਹਾਂ ਵਿੱਚੋਂ ਇੱਕ ਗੋਲੀ ਸ਼੍ਰੀ ਸਤੀਸ਼ ਸੁਮਨ ਜੀ ਵੱਲ ਚਲਾਈ ਗਈ |

ਉਸੇ ਸਮੇਂ ਹੀ ਸ਼੍ਰੀ ਸਤੀਸ਼ ਸੁਮਨ ਜੀ ਦੇ ਭਰਾ ਸ਼੍ਰੀ ਅਮਰੀਕ ਲਾਲ ਜੀ ਦੇ ਪਿਸਤੌਲ ਖੋਹਣ ਦੀ ਕੋਸ਼ਿਸ਼ ਕੀਤੀ ਤਾਂ ਅਜੀਤ ਸਿੰਘ ਨੇ ਧਮਕਾਉਂਦੇ ਹੋਏ ਕਿਹਾ ਕਿ ਤੁਸੀਂ ਜਿਆਦਾ ਬੱਲਾਂ ਵਾਲਿਆਂ ਦੇ ਸੇਵਕ ਬਣੇ ਫਿਰਦੇ ਹੋ, ਅੱਜ ਨਹੀਂ ਤੇ ਕੱਲ ਤੁਹਾਨੂੰ ਦੇਖ ਲਵਾਗੇਂ | ਇਨ੍ਹਾਂ ਕਹਿੰਦੇ ਹੋਏ ਦੋਸ਼ੀ ਮੌਕੇ ਤੋਂ ਡਰਦੇ ਫਰਾਰ ਹੋ ਗਏ | ਪਰ ਉਨ੍ਹਾਂ ਵਿੱਚੋਂ ਇੱਕ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ | ਪੁਲਿਸ ਨੇ ਧਾਰਾ 275459,255459,341,120B ਅਧੀਨ ਪਰਚਾ ਦਰਜਾ ਕਰ ਕੇ ਬਾਕੀ ਦੋਸ਼ੀਆਂ ਦੀ ਭਾਲ ਸ਼ੁਰੂ ਕਰਦਿਆ ਅੱਗੇ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਹੈ |

ਸ਼੍ਰੀ ਗੁਰੂ ਰਵਿਦਾਸ ਟੈਂਪਲ ਵਿਚੈਂਸਾ ਵਿੱਚ ਬਾਬਾ ਸਾਹਿਬ ਅੰਬੇਡਕਰ ਜੀ ਦਾ ਪ੍ਰੀ-ਨਿਰਵਾਣ ਦਿਵਸ ਮਨਾਇਆ ਗਿਆ

ਵਿਚੈਂਸਾ-6 ਦਸੰਬਰ(ਮਨੀ ਚੌਹਾਨ) ਸ਼੍ਰੀ ਗੁਰੂ ਰਵਿਦਾਸ ਟੈਂਪਲ ਵਿਚੈਂਸਾ ਦੀ ਪ੍ਰਬੰਧਕ ਕਮੇਟੀ ਅਤੇ ਸਮੂਹ ਸੰਗਤ ਵੱਲੋਂ ਬੜੀ ਹੀ ਸ਼ਰਧਾ ਨਾਲ ਬਾਬਾ ਸਾਹਿਬ ਡਾ. ਭੀਮ ਰਾਉ ਅੰਬੇਡਕਰ ਜੀ ਦਾ ਪ੍ਰੀ ਨਿਰਵਾਣ ਦਿਵਸ ਮਨਾਇਆ ਗਿਆ | ਜਿਸ ਵਿੱਚ ਇਟਲੀ ਦੇ ਕੋਨੇ-ਕੋਨੇ ਤੋਂ ਸੰਗਤਾ ਹੁੰਮ ਹੁੰਮਾ ਕੇ ਪਹੁੰਚੀਆਂ | ਸਵੇਰ ਤੋਂ ਹੀ ਸਾਹਿਬ ਸ਼੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਅਮ੍ਰਿਤਮਈ ਬਾਣੀ ਦੇ ਪਾਠ ਕੀਤੇ ਗਏ | ਪਾਠ ਉਪਰੰਤ ਸਤਿਗੁਰਾਂ ਦੇ ਚਰਨਾਂ ਵਿੱਚ ਅਰਦਾਸ ਕੀਤੀ ਗਈ | ਸਟੇਜ ਸਕੱਤਰ ਬੱਬੂ ਜੀ ਨੇ ਸਮੂਹ ਸੰਗਤ ਨੂੰ ਬਾਬਾ ਸਾਹਿਬ ਦੇ ਪ੍ਰੀ ਨਿਰਵਾਣ ਦਿਵਸ ਤੇ ਪਹੁੰਚਣ ਤੇ ਕੋਟਿ-ਕੋਟਿ ਧੰਨਵਾਦ ਕੀਤਾ ਅਤੇ ਬਾਬਾ ਸਾਹਿਬ ਦੇ ਮਿਸ਼ਨ ਨੂੰ ਘਰ ਘਰ ਪਹੁੰਚਾਉਣ ਲਈ ਸੰਗਤਾਂ ਨੂੰ ਵੱਧ-ਚੜ ਕੇ ਅੱਗੇ ਆਉਣ ਲਈ ਕਿਹਾ | ਉਪਰੰਤ ਗੁਰੂ ਘਰ ਦੇ ਕੀਰਤਨੀ ਜੱਥੇ ਵੱਲੋਂ ਕੀਰਤਨ ਕੀਤਾ ਗਿਆ ਅਤੇ ਇੱਕ ਕਵਿਤਾ ਬਾਬਾ ਸਾਹਿਬ ਬਾਰੇ ਸੰਗਤਾ ਨੂੰ ਸੁਣਾ ਕੇ ਨਿਹਾਲ ਕੀਤਾ | ਬੱਬੂ ਜੀ ਨੇ ਵੀ ਇਕ ਗੀਤ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ | ਇਸ ਸਮਾਗਮ ਉੁੱਤੇ ਮੁੱਖ ਮਹਿਮਾਨ ਵੱਜੋਂ ਡਾ. ਸਰਵਣ ਰਾਮ ਖੇੜਾ ਰੋਮ ਤੋਂ ਅਤੇ ਪ੍ਰਸ਼ੋਤਮ ਢੱਡਾ ਜੀ ਪਹੁੰਚੇ ਸਨ | ਜਿਨ੍ਹਾਂ ਨੇ ਬਾਬਾ ਸਾਹਿਬ ਦੇ ਮਿਸ਼ਨ ਬਾਰੇ ਸੰਗਤਾਂ ਨੂੰ ਚਾਨਣਾ ਪਾਇਆ ਅਤੇ ਸੰਗਤਾਂ ਨੂੰ ਸੱਚੇ ਸੁੱਚੇ ਮਿਸ਼ਨ ਦੇ ਉੱਤੇ ਖੜ ਕੇ ਬੇਗਮਪੁਰੇ ਦਾ ਅਸਲੀ ਰਸਤਾ ਅਪਨਾਉਣ ਲਈ ਕਿਹਾ | ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਬੈਰਗਾਮੋ ਦੇ ਕੀਰਤਨੀ ਜੱਥੇ ਨੇ ਕੀਰਤਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ | ਇਸ ਤੋਂ ਬਾਅਦ ਇਟਲੀ ਦੀ ਨਵੀਂ ਬਣੀ ਸੁਪਰੀਮੋ ਸ਼੍ਰੀ ਗੁਰੂ ਰਵਿਦਾਸ ਸੁਪਰੀਮ ਕੌਂਸਲ ਇਟਲੀ ਦੇ ਪ੍ਰਧਾਨ ਸਾਹਿਬ ਸ਼੍ਰੀ ਬਲਦੇਵ ਚੁੰਬਰ ਜੀ ਨੇ ਸੰਗਤਾਂ ਨੂੰ ਸੁਪਰੀਮੋ ਬਾਰੇ ਜਾਣੂ ਕਰਵਾਇਆ | ਇਸ ਤੋਂ ਉੁਪਰੰਤ ਬਾਕੀ ਬੁਲਾਰਿਆਂ ਨੇ ਵੀ ਆਪੋ ਆਪਣੇ ਵਿਚਾਰ ਦਿੱਤੇ | ਅਤੇ ਗੁਰੂ ਘਰ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਪਹੁੰਚੇ ਬੁਲਾਰਿਆ ਦਾ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਗੁਰੂ ਕੇ ਲੰਗਰ ਦਾ ਖਾਸ ਪ੍ਰਬੰਧ ਕੀਤਾ ਗਿਆ ਸੀ |

ਦਲਿਤਾਂ ਨੇ ਕਰੋ ਜਾਂ ਮਰੋ ਦੀ ਰਣਨੀਤੀ ਤਿਆਰ ਕੀਤੀ




ਦਲਿਤ ਅਤਿਆਚਾਰ ਰੋਕਣ ਲਈ ਸ੍ਰੀ ਅਕਾਲ ਤਖਤ ਤੇ ਪੰਜਾਬ ਸਰਕਾਰ ਨਾਲ ਦੋ ਟੁੱਕ ਗੱਲ ਕਰਨ ਨੂੰ ਤਰਜੀਹ
dsc00162.jpgਬਠਿੰਡਾ : ਸਤਪਾਲ ਸਿਵਿਆਂ : ਹੁਣ ਦਲਿਤ ਕਰੋ ਜਾਂ ਮਰੋ ਦੀ ਸਥਿਤੀ ਵਿਚ ਆ ਖੜੇ ਹੋ ਗਏ ਹਨ ਜਿਸ ਤਹਿਤ ਇਥੇ ਹੋਈ ਮੀਟਿੰਗ ਵਿਚ ਦਲਿਤ ਜਥੇਬੰਦੀਆਂ ਨੇ ਹੁਣ ਸ੍ਰੀ ਅਕਾਲ ਤਖਤ ਤੇ ਪੰਜਾਬ ਸਰਕਾਰ ਨਾਲ ਸਿੱਧੇ ਰੂਪ ਵਿਚ ਵਿਚਾਰ ਵਟਾਂਦਰਾਂ ਕਰਕੇ ਮਸਲਿਆਂ ਦਾ ਹੱਲ ਨਾ ਕਰਨ ਦੀ ਸੂਰਤ ਵਿਚ ਟਕਰਾਅ ਕਰਨ ਦਾ ਫੈਸਲਾ ਕੀਤਾ ਹੈ। ਬਠਿੰਡਾ ਵਿਚ ਹੋਈ ਮੀਟਿੰਗ ਦੌਰਾਨ ਕਈ ਮਸਲੇ ਵਿਚਾਰੇ ਗਏ ਜਿਨਾਂ ਵਿਚ ਕਿ ਇਹ ਮਸਲਾ ਅਹਿਮ ਤੌਰ ਤੇ ਵਿਚਾਰਿਆ ਗਿਆ ਕਿ ਜਥੇਦਾਰ ਸ੍ਰੀ ਦਮਾਦਮਾ ਸਹਿਬ ਸ੍ਰੀ ਬਲਵੰਤ ਸਿੰਘ ਨੰਦਗੜ੍ਹ ਨੇ ਸੰਗਰੂਰ ਦੇ ਇਕ ਮਜਹਬੀ ਸਿੰਘ ਨੂੰ ਕਿਹਾ ਕਿ ਉਹ ਜ਼ਮੀਨਾਂ ਵੱਲ ਨਾ ਨਿਗਾਹ ਨਾ ਰੱਖਣ ਉਹ ਤਾਂ ਸਿਰਫ ਨੌਕਰੀਆਂ ਵੱਲ ਹੀ ਧਿਆਨ ਦੇਣ, 'ਚੁੜੇ ਚਮਾਰਾਂ' ਨੂੰ ਤਾਂ ਨੌਕਰੀਆਂ ਹੀ ਬਹੁਤ ਹਨ ਇਹ ਵਿਚਾਰ ਸ. ਨੰਦਗੜ ਨੇ ਉਦੋਂ ਆਖੇ ਜਦੋਂ ਉਨਾਂ ਨੂੰ ਮਿਲਣ ਲਈ ਸੰਗਰੂਰ ਦੇ ਪਿੰਡ ਅਕਾਲਗੜ੍ਹ ਦਾ ਪਰਮ ਪੰਮਾ ਗਿਆ ਸੀ ਜਿਨਾਂ ਦੇ ਗੁਰੂਦੁਆਰੇ ਤੇ ਐਸ ਜੀ ਪੀ ਸੀ ਨੇ ਕਬਜਾ ਕਰਨ ਦੀ ਕੋਸਿਸ ਕੀਤੀ ਹੋਈ ਹੈ, ਇਸ ਬਾਬਤ ਬੇਸਕ ਜਦੋਂ ਜਥੇ. ਨੰਦਗੜ ਨਾਲ ਗੱਲ ਕਰਨੀ ਚਾਹੀ ਤਾਂ ਉਨਾਂ ਨਾਲ ਸੰਪਰਕ ਨਹੀ ਹੋ ਸਕਿਆ। ਪਰ ਇਥੇ ਦਲਿਤ ਜਥੇਬੰਦੀਆਂ ਵਲੋਂ ਮਤਾ ਪਾਇਆ ਗਿਆ ਕਿ 15 ਨਵੰਬਰ ਨੂੰ ਅਮ੍ਰਿਤਸਰ ਵਿਚ ਹੋ ਰਹੀ ਜਥੇਦਾਰਾਂ ਦੀ ਮੀਟਿੰਗ ਵਿਚ ਜਾਕੇ ਇਹ ਮਸਲਾ ਰੱਖਿਆ ਜਾਵੇ ਉਸ ਤੋਂ ਬਾਦ ਜੇਕਰ ਕੋਈ ਫੈਸਲਾ ਨਾ ਹੋਇਆ ਤਾਂ ਉਸ ਸਬੰਧੀ ਅਗਲੀ ਕਾਰਵਾਈ ਸੰਘਰਸੀ ਰੂਪ ਵਿਚ ਹੀ ਅਰੰਭੀ ਜਾਵੇ। ਕਿਉਕਿ ਪਰਮ ਪੰਮਾਂ ਕੇਸ ਵੀ ਮਾਨਯੋਗ ਅਦਾਲਤ ਵਿਚੋਂ ਜਿੱਤ ਗਿਆ ਹੈ ਤਾਂ ਵੀ ਉਹਨਾਂ ਦੇ ਗੁਰੂਦੁਆਰੇ ਤੋਂ ਕਬਜਾ ਨਹੀ ਛਡਿਆ ਜਾ ਰਿਹਾ।
ਇਥੇ ਇਹ ਮਾਮਲਾ ਵੀ ਵਿਚਾਰਿਆ ਗਿਆ ਕਿ ਪਿੰਡਾ ਬੱਗਾ ਜ਼ਿਲਾ ਸੰਗਰੂਰ ਵਿਚ ਹੀ ਇਕ ਜੱਟ ਨੇ ਸੀਰੀ ਹਰਬੰਸ ਸਿੰਘ ਦਾ ਕਤਲ ਕਰ ਦਿਤਾ ਸੀ ਉਸ ਦਾ ਬਾਪ ਪਿਛਲੇ 7 ਮਹੀਨਿਆਂ ਤੋਂ ਇਨਸਾਫ ਲਈ ਬੈਠਾ ਹੈ ਉਸ ਨੂੰ ਅਜੇ ਤਕ ਵੀ ਕੋਈ ਇਨਸਾਫ ਨਹੀ ਮਿਲਿਆ ਦਲਿਤ ਅਤਿਅਚਾਰ ਰੋਕੂ ਐਕਸਨ ਕਮੇਟੀ ਨੇ ਇਹ ਫੈਸਲਾ ਕੀਤਾ ਕਿ 25 ਨਵੰਬਰ ਨੂੰ ਇਸ ਮਾਮਲੇ ਸਬੰਧੀ ਕਾਰਵਾਈ ਅਰੰਭਦੇ ਹੋਏ ਉਥੇ ਸੰਘਰਸ ਜਾਰੀ ਕੀਤਾ ਜਾਵੇ, ਇਸ ਤੋਂ ਇਲਾਵਾ ਇਥੇ ਹੀ ਇਹ ਵੀ ਵਿਚਾਰਿਆ ਗਿਆ ਕਿ ਖੁਡਾਲ ਕਲਾਂ ਦੇ ਸਾਧ ਵਲੋਂ ਤਾਂ ਹੀ ਮਾਫੀ ਮੰਗੀ ਗਈ ਹੈ ਜੇਕਰ ਅਸੀਂ ਸਾਰੇ ਹੀ ਇਕੱਤਰ ਹੋ ਸਕੇ ਹਾਂ ਉਨਾਂ ਇਹ ਫੈਸਲਾ ਕੀਤਾ ਕਿ ਪੰਜਾਬ ਦੇ ਸਾਰੇ ਦਲਿਤਾਂ ਨੂੰ ਹੁਣ ਇਕੱਤਰ ਹੋਣ ਦੀ ਲੋੜ ਹੈ ਤਾਂ ਹੀ ਪੰਜਾਬ ਸਰਕਾਰ, ਸਮਾਜਿਕ ਤੌਰ ਤੇ ਹੋ ਰਹੇ ਜੁਲਮਾਂ ਨੂੰ ਰੋਕਿਆ ਜਾ ਸਕਦਾ ਹੈ। ਇਸ ਸਮੇਂ ਇਥੇ ਲੋਕ ਜਨ ਸਕਤੀ ਪਾਰਟੀ ਦੇ ਪ੍ਰਧਾਲ ਕਿਰਨਜੀਤ ਸਿੰਘ ਗਹਿਰੀ, ਦਲਿਤਾ ਅਤਿਆਚਾਰ ਰੋਕੂ ਐਕਸ਼ਨ ਕਮੇਟੀ ਦੇ ਜ਼ਿਲਾ ਪ੍ਰਧਾਨ ਰਾਮ ਕਿਸ਼ਨ ਮਾਨਸਾ, ਜਬਰ ਜੁਲਮ ਵਿਰੋਧੀ ਫਰੰਟ ਦੇ ਪ੍ਰਧਾਨ ਰਾਜ ਸਿੰਘ ਟੋਡਰ ਵਾਲ, ਸੁਖਦੇਵ ਖਾਨ ਮੁਸਲਿਮ ਫਰੰਟ, ਸੁਖਦੇਵ ਸਿੰਘ ਸਵਰਨਕਾਰ ਫਰੰਟ ਬਠਿੰਡਾ, ਪਿਆਰਾ ਸਿੰਘ ਪਛੜਾ ਵਰਗ, ਜੁਗਰਾਜ ਸਿੰਘ ਵੀ ਸ਼ਾਮਲ ਹੋਏ
ਸੂਚਨਾਂ : ਇਸ ਸਮੇਂ ਇੰਡੋ ਪੰਜਾਬ ਦੇ ਜ਼ਿਲਾ ਇਨਚਾਰਜ ਇਸ ਪੱਤਰਕਾਰ ਨੇ ਇੰਡੋ ਪੰਜਾਬ ਬਾਰੇ ਸਾਰਿਆਂ ਨੂੰ ਦਸਿਆ ਤੇ ਇੰਡੋਪੰਜਾਬ ਨੂੰ ਪਰਭੂਰ ਸਮਰਥਨ ਦੇਣ ਦਾ ਸਾਰੀਆਂ ਜਥੇਬੰਦੀਆਂ ਨੇ ਇਕਰਾਰ ਕੀਤਾ। : ਸੰਪਾਦਕ

ਧੰਨਵਾਦ ਸਹਿਤ ਇੰਡੋ ਪੰਜਾਬ



ਸਤਿਗੁਰੂ ਸ਼੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਜੀ

ਦਾ ਜੋਤਿ ਜੋਤ ਪੁਰਬ ਸ਼ਰਧਾ ਪੂਰਵਕ ਮਨਾਇਆ ਗਿਆ

ਬੈਰਗਾਮੋ-08/11/2009-ਮਨੀ ਚੌਹਾਨ- ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਬੈਰਗਾਮੋ ਦੀ ਪ੍ਰ੍ਬੰਧਕ ਕਮੇਟੀ ਅਤੇ ਸਮੂਹ ਸਾਧ ਸੰਗਤ ਵੱਲੋਂ ਜਗਤਗੁਰੂ ਸਤਿਗੁਰੂ ਸ਼੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦਾ ਜੋਤਿ ਜੋਤ ਪੁਰਬ ਦੂਜੀ ਵਾਰ ਬੜੀ ਹੀ ਸ਼ਰਧਾ ਪੂਰਵਕ ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਬੈਰਗਾਮੋ ਵਿੱਚ ਮਨਾਇਆ ਗਿਆ | ਜਿਸ ਵਿੱਚ ਸ਼੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਜੀ ਦੀ ਅਮ੍ਰਿਤਮਈ ਬਾਣੀ ਦੇ ਪਾਠ ਕੀਤੇ ਗਏ | ਉਪਰੰਤ ਗੁਰੂ ਘਰ ਦੇ ਸਟੇਜ ਸਕੱਤਰ ਸ਼੍ਰੀ ਚਮਨ ਲਾਲ ਜੀ ਨੇ ਸਟੇਜ ਦੀ ਕਾਰਜਕਾਰੀ ਬਾਖੂਬੀ ਨਿਭਾਈ ਅਤੇ ਪਹੁੰਚੀਆਂ ਸੰਗਤਾਂ ਦਾ ਧੰਨਵਾਦ ਕੀਤਾ | ਬਾਅਦ ਵਿੱਚ ਗੁਰੂ ਘਰ ਦੇ ਕੀਰਤਨੀ ਜੱਥੇ ਵੋਲੋਂ ਕੀਰਤਨ ਰਾਹੀਂ ਸੰਗਤਾਂ ਨੂੰ ਗੁਰੂ ਚਰਨਾਂ ਨਾਲ ਜੋੜਿਆ | ਇਸ ਤੋਂ ਬਾਅਦ ਗੁਰੂ ਘਰ ਦੇ ਪ੍ਰਧਾਨ ਸ਼੍ਰੀ ਸ਼ਸ਼ੀ ਕਪੂਰ ਜੀ ਨੇ ਦੂਰ ਨੇੜਿਉਂ ਪਹੁੰਚੀਆਂ ਸੰਗਤਾਂ ਦਾ ਧੰਨਵਾਦ ਕੀਤਾ ਅਤੇ ਸਤਿਗੁਰਾਂ ਦੇ ਮਿਸ਼ਨ ਨੂੰ ਘਰ ਘਰ ਪਹੁੰਚਾਉਣ ਦਾ ਸੰਗਤਾਂ ਨਾਲ ਵਾਅਦਾ ਕੀਤਾ | ਉਪਰੰਤ ਸਤਿਗੁਰਾਂ ਦੇ ਚਰਨਾ ਵਿੱਚ ਅਰਦਾਸ ਕੀਤੀ ਗਈ | ਗੁਰੂ ਕੇ ਅਤੁੱਟ ਲੰਗਰ ਵੀ ਸੰਗਤ ਚ ਵਰਤਾਇਆ ਗਿਆ |

Tuesday, March 9, 2010

Sunday, March 7, 2010





Wednesday, February 10, 2010

Monday, February 8, 2010

Sunday, February 7, 2010

Followers

ਗੁਰੂ ਰਵਿਦਾਸ ਹੋਰਾਂ ਦਾ ਮੰਦਰ ਬਣੇਗਾ ਸੋਨੇ ਦਾ

ਗੁਰੂ ਰਵਿਦਾਸ ਹੋਰਾਂ ਦਾ ਮੰਦਰ ਬਣੇਗਾ ਸੋਨੇ ਦਾ ਗੁਰੂ ਰਵਿਦਾਸ ਫੋਰਸ ਨੇ ਕੀਤਾ ਚੇਤਨਾ ਮਾਰਚ ਫਗਵਾੜਾ : ਸੋਨੀਆਂ ਰਾਣੀ ਸੁੱਖੀ : ਸੰਤ ਰਾਮਾ ਨੰਦ ਦੇ ਕਤਲ ਤੋਂ ਬਾਦ ਜੋ ਗੁਰੂ ਰਵਿਦਾਸ ਦੀ ਕੌਮ ਵਿਚ ਜਾਗ੍ਰਿਰਤੀ ਹੋਈ ਹੈ ਉਸ ਸਬੰਧੀ ਹਾਲ ਹੀ ਵਿਚ ਹੋਂਦ ਵਿਚ ਆਈ ਗੁਰੂ ਰਵਿਦਾਸ ਫੋਰਸ ਨੇ ਅੱਜ ਫਗਵਾੜਾ ਨੇੜੇ ਪੈਂਦੇ ਪਿੰਡ ਖਲਵਾੜਾ ਤੋਂ ਇਕ ਚੇਤਨਾ ਮਾਰਚ ਕਢਿਆ, ਜਿਸ ਵਿਚ ਕਿ ਸੰਤ ਰਾਮਾਂ ਨੰਦ ਨੂੰ ਰਵਿਦਾਸੀਆ ਕੌਮ ਦਾ ਸਹੀਦ ਕਹਿ ਕੇ ਪੂਰਾ ਪ੍ਰਚਾਰ ਕੀਤਾ ਗਿਆ ਤੇ ਉਹਨਾਂ ਵਲੋਂ ਸੁਰੂ ਕੀਤੇ ਮਿਸ਼ਨ ਨੂੰ ਅਗੇ ਤੋਰਨ ਲਈ ਜਾਗ੍ਰਤੀ ਪੈਦਾ ਕਰਨ ਦਾ ਕੰਮ ਵੀ ਅਰੰਭਿਆ ਗਿਆ। ਡਾ. ਸਤੀਸ ਸੁੰਮਨ ਦੀ ਪ੍ਰਧਾਨਗੀ ਵਿਚ ਚਲ ਰਹੀ ਕੌਮ ਦੇ ਕਈ ਅਹਿਮ ਕੰਮਾਂ ਤੇ ਕਾਫੀ ਅਹਿਮ ਯੋਗਦਾਨ ਪਾਉਣ ਵਾਲੀ ਗੁਰੂ ਰਵਿਦਾਸ ਫੋਰਸ ਨੇ ਅੱਜ ਖਲਵਾੜੇ ਤੋਂ ਚੇਤਨਾ ਮਾਰਚ ਕੱਢ ਕੇ ਕੌਮ ਨੂੰ ਜਾਗ੍ਰਿਤ ਕਰਨ ਦਾ ਬੀੜਾ ਚੁਕਿਆ, ਫੋਰਸ ਦੇ ਸੁਬਾ ਪ੍ਰਧਾਨ ਡਾ. ਸਤੀਸ ਸੁੰਮਨ ਨੇ ਕਿਹਾ ਕਿ ਫੋਰਸ ਦਾ ਕੰਮ ਹੈ ਕਿ ਲੋਕਾਂ ਵਿਚ ਜਾਗ੍ਰਤੀ ਪੈਦਾ ਹੋਵੇ ਤੇ ਉਸ ਲਈ ਅਸੀਂ ਉਚੇਰੀ ਸਿਖਿਆ ਦੇਣ ਲਈ ਵਿਸ਼ੇਸ ਪ੍ਰਤੀਬਧਤਾ ਨਾਲ ਕੰਮ ਕਰ ਰਹੇ ਹਾਂ। ਉਨਾਂ ਕਿਹਾ ਕਿ ਸਾਡੇ ਸਹੀਦ ਸੰਤ ਰਾਮਾਂ ਨੰਦ ਜੀ ਸਚਖੰਡ ਬੱਲਾਂ ਵਾਲਿਆਂ ਨੇ ਇਕ ਕੰਮ ਅਰੰਭਿਆ ਸੀ ਕਿ ਉਹ ਸਾਡੇ ਸਤਿਗੁਰੂ ਜੀ ਗੁਰੂ ਰਵਿਦਾਸ ਜੀ ਦਾ ਸਥਾਨ ਕਾਸੀ ਵਿਚ ਸੋਨੇ ਦਾ ਬਨਾਉਣਗੇ ਜਿਸ ਲਈ ਸੋਨੇ ਦਾ ਕੰਮ ਵੀ ਸੁਰੂ ਹੋ ਚੁਕਾ ਸੀ ਜਿਸ ਲਈ ਇਹ ਬਿਲਕੁਲ ਹੀ ਸਹੀ ਕੀਤਾ ਗਿਆ ਕਿ ਉਹਨਾਂ ਦਾ ਮਿਸ਼ਨ ਬੰਦ ਨਹੀ ਹੋਵੇਗਾ ਸਗੋਂ ਚਲਦਾ ਰਹੇਗਾ। ਉਨਾਂ ਕਿਹਾ ਕਿ ਕਾਂਸੀ ਵਿਚ ਗੁਰੂ ਰਵਿਦਾਸ ਜੀ ਦਾ ਬਣ ਰਿਹਾ ਮੰਦਰ ਸੋਨੇ ਦਾ ਹੀ ਬਣ ਕੇ ਰਹੇਗਾ, ਜਿਸ ਲਈ ਉਹ ਕੌਮ ਨੂੰ ਜਾਗ੍ਰਿਤ ਕਰ ਰਹੇ ਹਨ, ਜਿਸ ਲਈ ਅਥਾਹ ਹੁੰਗਾਰਾ ਮਿਲ ਰਿਹਾ ਹੈ, ਡਾ. ਸੁੰਮਨ ਨੇ ਕਿਹਾ ਕਿ ਸਾਡਾ ਅਗਲਾ ਨਿਸ਼ਾਨਾ ਹੈ ਕਿ ਸਾਡੇ ਨੋਜਵਾਨ ਨਸ਼ਿਆਂ ਵਿਚ ਪੈ ਗਏ ਹਨ ਜਿਹਨਾਂ ਨੂੰ ਨਸਿਆਂ ਚੋਂ ਕੱਢਣ ਲਈ ਜਾਗ੍ਰਿਤ ਕੀਤਾ ਜਾਵੇ ਨਸ਼ੇ ਤਿਆਗਣ ਲਈ ਵਿਸ਼ੇਸ਼ ਕੈਂਪ ਲਗਾਏ ਜਾਣ, ਤਾਂ ਕਿ ਨੌਜਵਾਨ ਨਸ਼ੇ ਤਿਆਗ ਕੇ ਸਮਾਜ ਵਿਚ ਨਵੀਂ ਰੂਹ ਪੈਦਾ ਕਰ ਦੇਣ, ਉਨਾਂ ਕਿਹਾ ਕਿ ਸੰਤ ਰਾਮਾਂ ਨੰਦ ਜੀ ਕਿਹਾ ਕਰਦੇ ਸੀ ਕਿ ਸਾਡਾ ਸਮਾਜ ਨਵਾਂ ਨਰੋਆ ਹੋਣਾ ਚਾਹੀਦਾ ਹੈ ਤਾਂ ਹੀ ਸਾਡੇ ਸਮਾਜ ਦੀ ਪਹਿਚਾਣ ਬਣ ਸਕੇਗੀ ਉਨਾਂ ਕਿਹਾ ਕਿ ਉਨਾਂ ਦੇ ਪਾਏ ਪੂਰਨਿਆਂ ਤੇ ਹੀ ਅਸੀਂ ਆਪਣਾ ਮਿਸ਼ਨ ਅਗੇ ਲੈਕੇ ਜਾ ਰਹੇ ਹਾਂ ਤੇ ਇਹ ਅਹਿਦ ਵੀ ਕੀਤਾ ਹੈ ਕਿ ਉਹ ਉਨਾਂ ਦੇ ਮਿਸ਼ਨ ਨੂੰ ਪਿਛੇ ਨਹੀ ਰਹਿਣ ਦੇਣਗੇ। ਡਾ. ਸੁਮਨ ਨੇ ਕਿਹਾ ਕਿ ਇਸੇ ਤਰਾਂ ਹੀ ਉਹ ਇਹ ਵੀ ਚਾਹੁੰਦੇ ਹਨ ਕਿ ਸਾਡੇ ਸਮਾਜ ਦੇ ਬੱਚੇ ਉਚੇਰੀ ਸਿਖਿਆ ਹਾਸਲ ਕਰਕੇ ਸਾਡੇ ਸਮਾਜ ਨੂੰ ਅਮੀਰ ਸੇਧ ਦੇਣ ਇਹ ਤਾਂ ਹੀ ਹੋ ਸਕਦਾ ਹੈ ਜੇਕਰ ਆਪਾਂ ਆਪਣੇ ਬਚਿਆਂ ਨੂੰ ਤਕਨੀਕੀ ਸਿਖਿਆ ਦੇਵਾਂਗੇ ਤੇ ਉਸ ਲਈ ਸਾਨੂੰ ਪਹਿਲਾਂ ਹੀ ਆਪਣੇ ਬਚਿਆਂ ਲਈ ਵਿਦਿਆ ਦਾ ਮਿਆਰ ਉਚਾ ਬਨਾਉਣਾ ਹੋਵੇਗਾ ਜਿਸ ਪਈ ਅਸੀਂ ਫੋਰਸ ਵਲੋਂ ਟਿਉਸ਼ਨ ਕੇਂਦਰ ਖੋਲੇ ਹਨ। ਇਹ ਚੇਤਨਾ ਮਾਰਚ ਕਈ ਸਾਰੇ ਪਿੰਡਾਂ ਵਿਚ ਦੀ ਹੁੰਦਾ ਹੋਇਆ ਪਿੰਡ ਖਲਵਾੜਾ ਵਿਚ ਹੀ ਸਮਾਪਤ ਹੋਇਆ। ਇਸ ਸਮੇਂ ਵਿਸ਼ੇਸ਼ ਤੌਰ ਤੇ ਡਾ ਜੈਸ ਖਲਵਾੜਾ, ਡਾ. ਜੈਸ ਵਰਮਾਂ, ਸਰਪੰਚ ਕਸ਼ਮੀਰੀ ਲਾਲ, ਸਰਪੰਚ ਪ੍ਰਿਥੀ ਲਾਲ, ਓਮ ਪ੍ਰਕਾਸ਼ ਵਰਮਾਂ, ਸ. ਬੰਗਾ ਅਤੇ ਜ਼ਿਲਾ ਪ੍ਰਧਾਨ ਮਹਿਲਾ ਵਿੰਗ ਮਿਸ਼ ਸੋਨੀਆਂ ਰਾਣੀ ਵੀ ਮੌਜੂਦ ਸਨ। ਧੰਨਵਾਦ ਸਹਿਤ ਇੰਡੋ ਪੰਜਾਬ

amarjit mall at guru ravidass bhawan birmingham uk

new news 2010

new news 2010


Pages